Málikɔ 15:15 - Ɔngana á Kɛ̌kɛ

¹⁵ Pilátɔ gǎkɛ, ɓî ɗáokonda ékondisɛgɛ na usɛsɛ á ɓakpa, áonkóɗisa kaɓɔ Balába. Áǒɗeketea ɓato émani gea te ɓámɓindɛ Yéso mpɔ, ɓánkɔkɛɛgɛ gǔ á moyangɔ.

Málikɔ 15:15 Iomraidhean Croise

Matáyɔ 20:19

Ɓámbisande ka njaga á ɓakpa ɓunde ɓáná Ɓayúda ka gea, ɓánɛphɛɛ, ɓámɓindɛ na gbutu na kɔkɛaga akɛ ka moyangɔ. Mpɔ, k'ésa á ko isaɔ ajujúkande ka kukuwa.»

Matáyɔ 27:26

Mpɔ, Pilátɔ áonkoɗisa kaɓɔ Balába, â gǎkɛ omɓindisa Yéso, áonɗeketa ka gea, ɓánkɔkɛɛgɛ gǔ á moyangɔ.

Málikɔ 10:34

Ɓɔ, ɓámotondeande, ɓáomosúia soki, ɓáomoɓinda na gbutu, ɓáomomowa. K'ésa á ko isaɔ mbusa í, néojujuka ka kukuwa.»

Málikɔ 15:14

Pilátɔ áǒɓúsia: «Ómoúbisani phɔ́ ɓojeɗe sina nde atógi?» Ɓâ tɔ ɔyɔnga akpɛ phɛɛ: «Nkɔkɛagani gǔ á moyangɔ!»

Lóka 18:33

Ɓámoɓindande na gbútu na kusa ani. Esa á ko isaɔ nejujukande ka kukuwa.»

Lóka 23:16

Nemɓindisande ndiu tɔ, mpɔ néonɗeketa.» [

Yoáni 19:1

Mpɔ, Pilátɔ áososea gea, ɓángɛ na Yéso ka ɓinda akɛ.

Yoáni 19:16

Pilátɔ áombisa Yéso ka njaga aɓɔ gea, ɓánkɔkɛɛgɛ ka moyangɔ. Mpɔ, ɓato émani ɓâ ye tɔ onga ně.

Ekuma á ɓateki 24:27

Mbusa á ɓasaga ɓaɓɛ, Pɔɔkíɔ Phɛ́sitɔ áɔmpɛna Phelíki. Phelíki ɗákondi ékondisaga na Ɓayúda, ka ɓɔndɔ áonɗeketa Pɔ́lɔ ka mekakɔ.

Ekuma á ɓateki 25:9

Phɛ́sitɔ, ɓî ɗákondi ékondisaga na Ɓayúda, áomúsia Pɔ́lɔ te: «Okondi gǎ na Yɛusalɛ́ma, nétenɛ nyɔngɔ nɛkɔ bui kó?»

Ɓagalatía 1:19

Ɗékémɔni tanda ka ɓateki ɓaangbo. Ɗɛ́mɔni tɔ Yakɔ́ɓɔ, muna-amakɛ na Mɔkɔta.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.