Málikɔ 14:68 - Ɔngana á Kɛ̌kɛ

⁶⁸ Pɛ́tɛɛ áongána, áongea te: «Kéoúba, kéoengekisa nyɔngɔ nde oogea ɔ́yɔngɛ!» Mpɔ, áojuana áoga bíbí á aphe á iso á endu nde ana ntanga. [Wandɔ, kɔkɔ áɔɔsa.]

Málikɔ 14:68 Iomraidhean Croise

Málikɔ 14:54

Pɛ́tɛɛ ɗáomɓea Yéso ka ɗanga. Áongia ka ntanga á endu ndea ngbɛga á ɓatoɓeigi-phɛ́a. Áoika ka oɗo n'aɔɔta nsa, bíbí á ɓabɛɗanigi.

Málikɔ 14:69

Ɓî nke ndɔ amɔɔni Pɛ́tɛɛ kó, áǒngoɗea ɓakpa nde ɗáɓátú wa te: «Mmbé ɗátú kimoci na ɓɔ.»

Málikɔ 14:70

Pɛ́tɛɛ â goto ongána. Mbusa ábɔa, ɓakpa nde ɗáɓátú wa, ɓâ goto ongoɗea Pɛ́tɛɛ te: «Ɗoni! Oɓɛ phɔtɔ, onde ka ɓakpa ndɔ, ka nyɔngɔ nde, onde nto á ka Galiláya.»

Málikɔ 14:72

Kɛ̌kɛndɔ, kɔkɔ áɔɔsa ka mɔngɔ á ko iɓɛ. Pɛ́tɛɛ áokanisia nyɔngɔ nde Yéso ɗángoɗi gea: «Mosá á kɔkɔ ɔsa mɔngɔ á ko iɓɛ, omonganande mɔngɔ isaɔ.» Kaɓondɔ, Pɛ́tɛɛ áotoɓokea ngamɔ.