Málikɔ 14:22 - Ɔngana á Kɛ̌kɛ

²² Ɓî ɗáɓátú oeaga, Yéso áɔbɛɗa mokati, áonsega Mokonga k'ɛ́mɛmi, áoɓúnaga mokati ndɔ, áǒgabea ɓagoigi nɛkɛ, áǒngoɗea te: «Bɛ́ɗani, ɓóeɛ, nnde ande nyama ani.»

Málikɔ 14:22 Iomraidhean Croise

Matáyɔ 14:19

Yéso áǒikisa usɛsɛ á ɓakpa ka ɔphɔ, áobɛɗa mokati ɓɔku na ɓasú ɓaɓɛ ndɔ áoenga na koba, áonsega Mokonga. Áoɓúnaga mokati, áǒɓopha ɓagoigi nɛkɛ, ɓɔ phɔtɔ ɓáǒgabea usɛsɛ á ɓakpa.

Málikɔ 10:16

Mpɔ, Yéso áǒkotoa ɓaniki ndɔ, áobisa njaga akɛ gǔ aɓɔ.

Málikɔ 14:21

Muna-Nkpa akuwande ɓíndɔ ɓáɗundu suɓi á Ɓuku á Mokonga ka phɔakɛ. Ande gǎkɛ ngomi phɛɛ ka mmbé antɔngi Muna-Nkpa. Atúoɓá ɓonjánja ka yɛ, ámbé káɓɔkɔtɛani.»

Málikɔ 14:23

 phɔtɔ ɔbɛɗa kiɓe á divai, áonsega Mokonga k'ɛ́mɛmi, áǒɓopha, ɓáonoa ɓɔbu.

Málikɔ 14:24

Yéso áǒgea: «Divai nde, ande magia ani, magia nde aɗǔkani ka phɔa ɓakpa ɓásii ka engekisa ɔngana ndea Mokonga.

Málikɔ 6:41

Yéso áɔbɛɗa mokati ɓɔku na ɓasú ɓaɓɛ, áoenga na koba, áonsega Mokonga k'ɛ́mɛmi. Áoɓunaga mokati ndɔ, áǒɓopha ɓagoigi ka gea, ɓágabɛ ka ɓakpa. Yéso â phɔtɔ ǒngoɗea ɓagoigi nɛkɛ ɓégabeɛ ɓakpa ɓɔbu ɓasú ndɔɔ.

Lóka 22:17

Mpɔ Yéso áɔbɛɗa kiɓe áɔmɛma, áɔyɔnga: «Bɛɗani ú ɓókatisanɛgɛ sɔsɔɓɛ anu.

Lóka 24:30

Mpɔ Yéso áoika kimoci na ɓɔ ka mɛja, áobɛɗa mokati na bisa á njaga gǔ í, mpɔ áoɓúna ú na gabea ɓɔ.

Yoáni 6:23

Mpɔ, koko nengbo ásii nnde atóki ka ntanga-nji á Tibɛlía áokiɗia bíbí á ɔma nde ɗáɓáigi mokati mbusa á Mɔkɔta sega á Mokonga.

1 Ɓakɔlítɔ 10:4

Ɓɔbu ɗáɓánu tɔ kema á konoa moci á ka měma nga, ɗáɓánu iɓo nde ɗájúani k'ɛ́tɛ nde ɗáotamba kimoci na ɓɔ, na ɛtɛ ndɔ ɗátú Kiísito.

Ɓagalatía 4:25

Ina ndɔ: «Agái», ande ina á mamba «Sinái» á ka Alabía. Agái ande phɔtɔ mphangiɔ á Yɛusalɛ́ma á ka matú ndee, nnde a ka kɔkɔɓɛ kimoci na ɓaniki nɛkɛ ɓɔbu.