Málikɔ 14:2 - Ɔngana á Kɛ̌kɛ

² Ɓáoianaga te, kákeni dunga akɛ ka mbenɔ á maseye ka gea, ɓakpa ɓákayombokɛmbɛ.

Málikɔ 14:2 Iomraidhean Croise

Matáyɔ 26:2

«Ɓooúba gea te, mbusa ésa iɓɛ, aɓande jaí á Pasáka. Wa, ɓántɔngande Muna-Nkpa ka gǎ kɔkɛaga akɛ ka moyangɔ.»

Matáyɔ 26:5

Ɓáoianaga te, kákeni dunga akɛ ka mbenɔ á maseye ka gea, ɓakpa ɓákáyombokɛmbɛ.

Málikɔ 11:18

Ɓî ɓagbɛga á ɓatoɓeigi-phɛ́a na ɓaɗundu-ɛɔphi ɓáɔ́ki ye ɓó, ɓáokaɓa kusa á Yéso. Ɗáɓátú omɓánga Yéso ka nyɔngɔ nde, goisaga nɛkɛ ɗɛ́ɓɔngɛi usɛsɛ á ɓakpa ɓásii phɛɛ.

Málikɔ 11:32

Aoɓá na ɓegi gǎkɛ atóki ka ɓakpa, kaɓɛ ánjá.» Nga, usɛsɛ á ɓakpa ɓɔbu ɗáɓátúoúba gea te, Yoáni ande mɔtu-nyɔngɔ ndea Mokonga ɗoni.

Málikɔ 14:1

Cɔ, ɗájigi ye tɔ esa iɓɛ mosá á maseye á mokati, nnde Ɓayúda ɗáɓáɔɔphana Pasáka. Ɓagbɛga á ɓatoɓeigi-phɛ́a na ɓaɗundu-ɛɔphi, ɗáɓáɔɓɔgɔmɛaga mowa á Yéso.

Málikɔ 14:3

Wandɔ, Yéso ɗátú na Bɛtanía, k'éndu ndea Simɔ́ni, mmbé ɗáami na kukuwa á sǔ. Mbenɔ nde ɗáɓátú oeaga, nke moci áongia kuɓî ɓáiki. Ɗátú na nkoki á Nadɔ, nnde ɗáɓáɓɔngisigi ánjá na esombi í ɗátú akpɛ phɛɛ. Áɔpɛpa ngbanda á nkoki ndɔ, áoɗukia ka mɔ̌ á Yéso.

Lóka 20:6

Aoɓá na ɓegi gǎkɛ atóki ka ɓakpa, ámbé ɓakpa ɓɔbu ɓásoɓeagande n'ɛtɛ ka gea ɓékuwɛ. Nga, ɓáɓeeki ɗoni gea Yoáni ande mɔtu-nyɔngɔ ndea Mokonga.»

Lóka 22:1

Cɔ, bíbí á jaí á mokati kángá cacu, nndɔ ɓáɔɔphana Pasáka,

Yoáni 12:19

Ɓaphaisáyɔ ɓâ gǎkɛ ɔyɔngaga sɔsɔɓɛ aɓɔ gea: «Cɔ, ɓɔɔni? Ɓéké ye ɔtɔka ka kema nga, ɓakpa ɓɔbu ɓámɓi.»

Yoáni 7:40

Mbusa á ɔ́ka aɓɔ nyɔngɔ ndɔ, ɓakpa ɓunɛngbo suɓi á usɛsɛ á ɓakpa ɓáogea: «Nkpa nde ande Mɔtu-nyɔngɔ ndea Mokonga ɗoni.»