Málikɔ 14:18 - Ɔngana á Kɛ̌kɛ

¹⁸ Ɓî ɗáɓáiki ye k'ɔ́ma á eea, Yéso áǒgea: «Nenongoɗi ɗoni, ka ɓenu moci mmbé ɓeoeaga kimoci na yɛ, amɔtɔngande.»

Málikɔ 14:18 Iomraidhean Croise

Matáyɔ 26:21

Cɔ, mbenɔ nde ɗáɓáoeaga, Yéso áǒngoɗea te: «Nenóngoɗi ɗoni gea, ka ɓenu moci amɔtɔngande.»

Matáyɔ 5:18

Nenóngoɗi ɗoni gea te, mosá á sungiaga á koba na mokonda, nna tanda na miki á nyɔngɔ moci kaɓɛ phaeka í, nnde aimikande k'ɛɔphi na ka ɓî nyɔngɔ bui atɔtɔkɛanande.

Matáyɔ 6:16

Aoɓá na ɓoiki kángá á eaga ka nyɔngɔ á mɛma á Mokonga, ɓókóphindɛgɛmbɛ mɔnɔ kiki anu ɓea ɓato á maibe. Nga, ɓɔ, ɓáophindaga kiki aɓɔ ka ubisa ɓakpa gea ɓáiki kángá á eaga ka nyɔngɔ á mɛma á Mokonga. Nenóngoɗi ɗoni gea, ɓá ye tɔi ophendɔ nɛɓɔ.

Matáyɔ 6:2

Mbenɔ nde oomopha nto á ɓuyɛnɛ kema, kɔɓɛtɛ mɔnɔ ɓongungu ka gea ɓakpa ɓákɔɔnɛ sumbia ɓî ɓato á maibe ɓámɔnɔ ogea k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓáebebɛ. Nenóngoɗi ɗoni gea, ɓágoɓi na ɓátɔi ophendɔ nɛɓɔ.

Matáyɔ 6:5

Mbenɔ nde ɓɔɔmɛma, ɓókoɓɛmbɛ mɔnɔ ɓea ɓato á maibe ɓunde ɓámɔnɔ okonda mɛma na ɓámamege k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓɛ́ɓɔnɛ. Nenóngoɗi ɗoni gea, ɓá ye tɔi ophendɔ nɛɓɔ.

Málikɔ 10:15

Nenóngoɗi ɗoni gea, nkpa nde káɓeeki nyɔngɔ á koɓoamɛ ndea Mokonga ɓea miki, kángiɛku tanda kó.»

Málikɔ 10:29

Yéso áonsikisia te: «Eya! Nenóngoɗi ɗoni gea, nkpa nde aɗeketi endu nɛkɛ, ɓana-amakɛ, ɓáwákɛ, amakɛ, abakɛ, ɓ'anakɛ na ciko nɛkɛ, ka nyɔngɔ ani na ka phɔa á Mbino-Ánjá,

Málikɔ 14:17

Aɓi ye ɔgɔgɔ, Yéso na ɓagoigi nɛkɛ nkama na ɓaɓɛ (12) ɓáokiɗia.

Málikɔ 14:19

Ɓagoigi ɓáoɓá na ɓɔmbɛ phɛɛ. Ɓáomúsiaga Yéso moci-moci gea te: «Nna phɔ́ eme?»

Málikɔ 14:25

Nenóngoɗi ɗoni, kénóɛeka ye tanda divai, na ka ɓî nenoaeka nnde á kɛ̌kɛ ka koɓoamɛ ndea Mokonga.»

Málikɔ 14:9

Nenóngoɗi ɗoni gea, ɔma bui nde ɓátɔmiagande Mbino-Ánjá nde ka mokonda, ɓátɔmiagande kema nde nke nde agi na ɓánkanisiande.»

Málikɔ 3:28

Nyɔngɔ nde nɛɔnɔtɔmia, ande ɗoni. Mokonga aímande ɓojeɗe bui ndea ɓakpa, na mbóma bui nde ɗáɓámbómi ně.

Málikɔ 6:11

A gǎkɛ oɓá na ɓákánosesi ka nji moci na ɓákáɔnɔ́ɔ́ka, tókani ɓei, ciciagani mpusu á oɗo bui nde a k'écinji anu ka ubisa aɓɔ gea te nyɔngɔ ěguiaeka.»

Málikɔ 8:12

Mpɔ, Yéso áosúa ɛphɛu phɛɛ, áogea te: «Cɔ, nyɔngɔ sina nde ɓato á kesande ɓáokaɓa mphangiɔ? Nenóngoɗi ɗoni gea, ɓákáɔnɛku.»

Málikɔ 9:1

Mpɔ, Yéso â phɔtɔ ǒngoɗea te: «Nenóngoɗi ɗoni, ka ɓakpa nde ɓá wani, ɓákákuwɛku na ɓákáɔni koɓoamɛ ndea Mokonga ɓî akiɗiande na ɓukpɛkpɛ.»

Málikɔ 9:41

«Aoɓá nkpa n'anophi cǎ moci á iɓo á konoa ka nyɔngɔ nde ɓonde ɓakpa ndea Kiísito, nenóngoɗi ɗoni gea, nkpa ndɔ káúkɛku ophendɔ nɛkɛ.»

Lóka 11:51

Nndɔ ɗákpangi n'aɗǔkana á magia ndea Abɛ́li na ka ɓî magia ndea Jakaía ɗáɗuúkani. Eya, ɗáɓámowe Jakaía sɔsɔɓɛ á ɛtɛ-ɔ́phɛ́ɔ na ɔma á ɓoombia á suɓi éndu á Mokonga. Eya, nenóngoɗi, nyɔngɔ ndɔ bui a ka mɔ̌ á ɓato á k'ɛ́ɓɔkɔti ndee.

Lóka 22:21

Cɔ, ɔnani! Njaga á mmbé amɔtɔngi ɓeoeaga kimoci na yɛ gǔ á mɛja ndee.

Lóka 4:24

«Nenóngoɗi ɗoni gea: Nna na mɔtu-nyɔngɔ ndea Mokonga mmbé ɓánsesimbɛ mɔnɔ ánjá ka nji nɛkɛ á ɓɔkɔtɛana.

Yoáni 1:51

Mbusa í, â phɔtɔ ongoɗea: «Eya, nenóngoɗi ɗoni gea, ɓɔɔnande koba n'akoɗokani, ɓamalaéka ndea Mokonga na ɓáotáia na dida gǔ ani eme Muna-Nkpa.»

Yoáni 13:18

Nyɔngɔ nde nɛɔyɔnga nna ka ɓenu ɓɔbu. Néoɓúba ɓunde ɗɛ́sɔmbu. Akeni gǎkɛ nyɔngɔ nde a suɓi á Ɓuku á Mokonga átɔtɔkɛanɛ. ‹Nkpa nde ɓeoeaga na yɛ, aámbé ande mɓiɓia ani.›

Yoáni 13:21

Mbusa á yɔnga ɓó, Yéso áotambaga ka měma mpɔ, áɔyɔnga base gea: «Nenóngoɗi ɗoni gea, ka ɓenu moci, amɔtɔngande.»

Yoáni 13:22

Ɓagoigi ɓâ gǎkɛ ɔɛnjianaga, kángá á engekisa á nkpa nde Yéso ɗáɔyɔnga ka phɔa akɛ.

Yoáni 13:38

Mpɔ, Yéso áonsikisia: «Oɓeeki kukuwa ka nyɔngɔ ani ɗoni? Nekongoɗi ɗoni gea, omonganande mɔngɔ isaɔ, mosá á ɔsa á kɔkɔ.»

Yoáni 21:18

Nekongoɗi ɗoni gea, mbenɔ nde ɗótú moganda, ɗótú ɔ̌ɓɔɛa aégba ndeakɔ sasakɔ. Ɗótúoga ɔma nde ɗótúokonda. Cɔ, mbenɔ nde oɓande gǎkɛ phomi, onanoagande njaga akɔ, nkpa ɓaangbo akɔɓɔɛande aégba nɛkɔ na gǎ akɔ ně ɔma nde kókóndɛku gǎ.»

Yoáni 3:11

«Nekongoɗi ɗoni gea, ɓe tɔ ɔtɔmiaga nnde ɓeoúba, ɓéoɗigimisa nnde ɗɛ́ɓɛɔni. Ɓókó gǎkɛ oɓeekea ú.

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 5:19

Yéso â goto osikia yɔnga, áǒngoɗea ɓe: «Nenóngoɗi ɗoni: Miki, nnaɔtɔka n'agi ka kema ka yɛ sasakɛ, a tɔ ogea nnde áɔmɔna Abakɛ n'aogea nga, kema bui nde Abɛ aogea, aunge Miki a phɔtɔ ogea ú.

Yoáni 6:26

Yéso áǒsikisia gea: «Eya, nenóngoɗi ɗoni gea, ɓoomokaɓa nga, ɗóɓoí mokati, ɓóokúta, nna ndiu gea, ɓoengekisi kantíti á mphangiɔ á ketangaɔ nde nɛtɔtɔkisi.

Yoáni 6:32

Mpɔ Yéso áǒgea: «Nenóngoɗi ɗoni gea, nna Mósa aámbé ɗánophi mokati n'atóki na koba. Abɛ ndiu aámbé aonopha mokati á ɗoni, nnde á na koba.

Yoáni 6:47

Eya, nenóngoɗi ɗoni gea, mmbé aɓeeki, ana enda á mɛyɔ.

Yoáni 6:70

Yéso áǒsikisia: «Ɗékénɔsɔmbu phɔ́ ɓenu Nkama na ɓaɓɛ (12), nanga moci sɔsɔɓɛ anu ande nketi?»