Málikɔ 14:13 - Ɔngana á Kɛ̌kɛ

¹³ Mpɔ, Yéso áǒteka ɓagoigi ɓaɓɛ áǒgea: «Gǎni ka ntanga-nji. Nkpa moci anódondande kó n'akumbi mbungu á iɓo. Cɔ, mɓeani.

Málikɔ 14:13 Iomraidhean Croise

Matáyɔ 8:9

Nga eme, nena ɓakɔta íɓundɔ ɓá gǔ ani, ne phɔtɔ na ɓato émani nde ɓá kusi á kɔkɔta nɛmɔ. Neongoɗea ka ɓɔ: ‹Gǎ!› Áoga. Neongoɗea ka ɓɔ: ‹Bika!› Áobika. Neongoɗea mbɛɗanigi nɛmɔ: ‹Gea ɓe!› Áogea ɓó.»

Málikɔ 14:12

Ɗáɓi ye esa á ko ímoci á maseye á mokati kángá cacu, esa ndɔ ɗátú esa á tena á ɓana-ɓamɔgɔgɔ á Pasáka. Cɔ, ɓagoigi ɓáomúsia Yéso te: «Okondi ɓégɛ ɓɔngisiɛgɛ k'akɔ eea á Pasáka wani?»

Málikɔ 14:14

Angiande k'éndu. Ɔma nde angí, ngoɗeani mɛna-endu ndɔ te: ‹Ngoisigi áoúsia gea, ɔma sina nde aeagande Pasáka na ɓagoigi nɛkɛ?›

Yoáni 15:14

Ɓenu, ɓonde ɓadani, aoɓá na ɓogi nnde nenósosi.

Yoáni 2:5

Mpɔ, amakɛ áǒngoɗea ɓabɛɗanigi-ɛ́kɛka: «Geani tɔ kema bui nde anóngoɗeande.»

Ɓaɛbulanía 4:13

Nna na ka kema nde Mokonga ɗáconji nnde ɛ̌sɔmɛani k'íso akɛ. Kema bubui a tɔ ndúmbú mosá akɛ. Aoúba ú. Yɛ goto tɔ aámbé ɓɛtɔmiande nyɔngɔ ndeasu bubui mosá akɛ.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.