Málikɔ 13:9 - Ɔngana á Kɛ̌kɛ

⁹ Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Málikɔ 13:9 Iomraidhean Croise

Matáyɔ 5:22

Cɔ, eme nenóngoɗi ɓe: Nkpa buakɛ mmbé aɔmɓɛɛa dakɛ, akeni ɓánjusɛ ka ntua á tena á nyɔngɔ. Mmbé aombóma dakɛ te: ‹Kóúbapha!›, akeni júsa akɛ ka ntua ángbó á tena á nyɔngɔ ndea Ɓayúda. Mmbé aongea dakɛ te: ‹Ona ganja!›, akeni ɓámmakeɛ k'ɛɛmbɛ á nsa nnde nnaoimika.

Málikɔ 1:44

«Kɔ́ntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a, óphúiɛ phɛ́a nɛkɔ ɓíndɔ Mósa ɗásosi ka ubisa á ɓakpa gea oami.»

Málikɔ 13:5

Yéso áǒngoɗea ɓe: «Ɛ́ngɛphani! Nkpa kanódemɛmbɛ.

Málikɔ 13:8

Ande gea te: Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Na ɓato á ka koɓoamɛ moci ɓámanande na ɓato á ka koɓoamɛ nɛngbo. Ɓaningina aɗengisande ɔma ɗanga-ɗanga. Nja aguande phɔtɔ k'óma ɗanga-ɗanga. Kema ndɔ bui aɓande ɓea ɓoaé á k'ama mosá-mosá.

Málikɔ 6:11

A gǎkɛ oɓá na ɓákánosesi ka nji moci na ɓákáɔnɔ́ɔ́ka, tókani ɓei, ciciagani mpusu á oɗo bui nde a k'écinji anu ka ubisa aɓɔ gea te nyɔngɔ ěguiaeka.»

Lóka 9:5

Cɔ, aoɓá ɓato á ka ntanga-nji na ɓáyé sesea anu, tókani ka ntanga-nji ndɔ, ɓóciciɛ mpusu á oɗo bui nde a k'écinji anu ka úbisa aɓɔ gea te, nyɔngɔ ěguiaeka.»

Yoáni 15:20

Kanisiani phɔ́ nyɔngɔ nde ɗénóngoɗi gea: ‹Nna na mbɛɗanigi nde, ana ɓoombia kɔnyɛ́nya mɔkɔta nɛkɛ.› Ɓî ɓámotambisigi, ɓánotambisagande phɔtɔ ɓó. Atúoɓá na ɓáambi nyɔngɔ nɛmɔ, ámbé ɓáambande phɔtɔ nɛnu.

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Ekuma á ɓateki 21:11

áosóbikia. Áɔbɛɗa angeɗe ndea Pɔ́lɔ, áǒɓóaga ně k'écinji na ka njaga, áogea: «Měma á kanga ɓojeɗe agi ɓe: Ɓende unge Ɓayúda á ka Yɛusalɛ́ma ɓámɓóagande mɛna-angeɗe ndee, ɓáombisa ka njaga á ɓakpa nde ɓáná Ɓayúda.»

Ekuma á ɓateki 7:54

Ɓayúda, ɓunde ɗáɓátú ka ntua, ɓî ɓáɔ́ki ye ɓó, ɓáonkokea Sɛtɛphánɔ minyɔ na ɓɛɛa akɛ phɛɛ.

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

2 Ɓatɛsalɔníka 1:5

Tambaga ndɔ aoúbisa base gea, Mokonga ande nteni-nyɔngɔ kángá oɓayɔ. Nga, ka nyɔngɔ á phiphia anu tambaga ndɔ unge ɓokeni na ngia ka koɓoamɛ nɛkɛ nnde ɓootambaga ka nyɔngɔ í.

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.