Málikɔ 13:34 - Ɔngana á Kɛ̌kɛ

³⁴ Ande ɓea mǒko moci n'aɔmɛa tamba. Áǒkámbea ɓabɛɗanigi nɛkɛ moangɔ éndu. Mbɛɗanigi moci-moci áoɓá n'ekuma nɛkɛ. Â phɔtɔ ongoɗea mɓondigi-kǐo gea, áɛngɛphɛ. Mpɔ, áoga.

Málikɔ 13:34 Iomraidhean Croise

Matáyɔ 16:19

Nekophande phembekete á koɓoamɛ á na koba. Kema bui nde oyánde ka mokonda, ɓáyánde ú na koba. Kema bui nde ooɓeekea ka mokonda, ɓáɓeekeande phɔtɔ ú na koba.»

Yoáni 10:3

Mɓondigi-kǐo aomúkuia mɓondigi-ɓamɔgɔgɔ, ɓamɔgɔgɔ ɓâ phɔtɔ ɔɔ́ka ɛsɔ akɛ. Aɔ̌ɓɔphana ɓamɔgɔgɔ nɛkɛ moci-moci k'ína aɓɔ, áǒjuanisa.

Ɓalɔ́ma 13:6

Ka nyɔngɔ índɔ unge, ɓo phɔtɔ ophenda manjanja nga, ɓunde ɓáophendisaga ú, Mokonga aámbé aebisi k'ékuma ndɔ.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

Ɓakɔlɔsái 4:1

Cɔ, ɓenu íɓunde ɓona ɓakɔɓɛ, ógeeani ɓakɔɓɛ nɛnu ánjá na koɗoni. Úbáni gea, ɓenu phɔtɔ, ɓona Mɔkɔta nɛnu na koba.

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: