Málikɔ 13:27 - Ɔngana á Kɛ̌kɛ

²⁷ Mpɔ, áǒteka ɓamalaéka ka nkɛkɛɔ gena á mokonda. Kó, áǒdondanisaga ɓakpa nde aɛsɔmbu. Ande gea, ɓunde aɛsɔmbu ka mokonda bui.

Málikɔ 13:27 Iomraidhean Croise

Matáyɔ 12:42

Goto, k'ésa á tena nyɔngɔ ndɔ, nke-moamɛ á ka nji Sɛ́ba abikande na tɔnga á ɓato á k'ɛɓɔkɔti nde, ka nyɔngɔ nde yɛ, ɗátóki kekanga á ɗanga phɛɛ ka bika ɔ́ka nyɔngɔ á kɔɓɔɔngɛ ndea Sɔlɔmɔ́nɔ. Cɔ, mmbé awani, anyɛ́nyi Sɔlɔmɔ́nɔ!»

Matáyɔ 13:41

Muna-Nkpa aetekande ɓamalaéka nɛkɛ, ɓáǒdondanisaga ɓakpa ɓɔbu ɓundɔ ɓáǒdemaga ɓadaɓɔ na ɓundɔ ɓáogea ájeɗe ɓáǒɓeaga ka koɓoamɛ nɛkɛ.

Matáyɔ 13:49

Ɓende unge aɓáeka k'ésa á sungia á mokonda: Ɓamalaéka ndea Mokonga, ɓáekatanisaeka ɓato-ájeɗe na ɓato á koɗoni.

Matáyɔ 24:22

Atú oɓá Mokonga na kángbîmisi mbenɔ kau, ámbé ka ɓakpa kátóamɛeka. Angbîmisande gǎkɛ ú ka nyɔngɔ á ɓakpa ndɔ ɗáɛsɔmbu.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Málikɔ 13:20

Atúoɓá Mɔkɔta na kángbíímisi mbenɔ á tambaga ndɔ, ka ɓakpa kátóamaeka. Angbíímisi ndiu ka nyɔngɔ á ɓakpa nde aɛsɔmbu gea, ɓáɓɛ ɓunɛkɛ.

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Málikɔ 13:28

Engekisani phɔ́ mɛní á me nde ɓáɔmɔphana mtini. Ɓɔ ye ɔɔna gea, ntabi í n'akpangi tɛisa nsô á kasa, ɓôúba te, matú á okame a ye tɔ bíbí.

Lóka 16:22

Esa ímoci, nto á ɓuyɛnɛ ndɔ ɗáku. Ɓamalaéka ɓáombisa ka kɛbɛ á Abalaámu. Ntɔi ndɔ â phɔtɔ okuwa, ɓáomúmba.

Lóka 18:7

Ande gea, Mokonga kátenɛku gǎkɛ nyɔngɔ ndea ɓakpa nɛkɛ, ɓundɔ aɛsɔmbu, ɓî ɓáogáma mosá akɛ keiphe n'esa? Aphiphiande kángá enga aɓɔ?

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Yoáni 11:52

Nna tɔndɔ ka nyɔngɔ á ekuna, ɗátú phɔtɔ ka nyɔngɔ á dondanisaga ɓana-Mokonga ɓɔbu kimoci, ɓunde ɗáɓáphanjekani.

Ɓalɔ́ma 8:33

Ani mmbé aɛ́tɔngande ɓakpa nde Mokonga aɛ́sɔmbu? Tanda nkpa mo. Nga, Mokonga aámbé aǒtanga ɓakpa ndɔ ɓato á koɗoni.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

2 Ɓatɛsalɔníka 2:1

Ɓaya, ka nyɔngɔ á ja á Mɔkɔta nɛsu Yéso Kiísito na dondanaga asu na yɛ, ɓenóɗengemisigi gea,

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.