Málikɔ 13:11 - Ɔngana á Kɛ̌kɛ

¹¹ Cɔ, mbenɔ nde ɓánókiɗisande ka ntua ka tɔnga anu, ɓókóianɛgɛmbɛ phɔ́ ka nyɔngɔ á ɓoabi nde ɓosikisande. Ka mbenɔ ndɔ, yɔngani tɔ yɔnga nde anobikiande ka mɔ̌. Nga, nna gǎkɛ ɓenu ɓáunge ɓɔyɔngande, a ndiu Měma á kanga ɓojeɗe aunge aɔyɔnga.

Málikɔ 13:11 Iomraidhean Croise

Matáyɔ 10:17

Ɔ́ɛnjiani ánjá nga, ɓakpa ɓánɔtɔngande ka ntua á tena á nyɔngɔ na ɓinda anu k'éndu á madondanɔ ndea Ɓayúda ka nyɔngɔ á Mokonga.

Málikɔ 13:12

Nkpa antɔngande muna-amakɛ ka gea, ɓámmowɛ. Na ɓaniki ɓáɓande ɓaɓiɓia á ɓaɓɔkɔti aɓɔ, na kusisa aɓɔ.

Málikɔ 13:9

Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Lóka 21:12

Cɔ, mosá índɔ bui, ɓánodungande gǎkɛ na tambisaga anu. Ɓánobisande ka njaga á ɓateni-nyɔngɔ á k'éndu á madondanɔ ndea Ɓayúda ka nyɔngɔ á Mokonga na makea anu ka mekakɔ. Ɓánomámisande mosá á ɓaamɛ na ɓakɔta á ntanga-nji ka nyɔngɔ á ina ani.

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Ekuma á ɓateki 2:4

Mpɔ, ɓɔbu ɓáotúma na Měma á kanga ɓojeɗe, ɓáokpanga yɔnga ka ɛyɔngi nɛngbo ɓíndɔ Měma aéteki gea, ɓáyɔngɛ.

Ekuma á ɓateki 3:13

Nna ɓó, atambi ka ɓukpɛkpɛ ndea Mokonga, mmbɔ ɓatatasu Abalaámu, Isáka na Yakɔ́ɓɔ ɗáɓámbɛɗaneigi. A phɔtɔ aámbé anɗokomisi mbɛɗanigi nɛkɛ Yéso ka ketangaɔ ndee. Ɗóɓombisi ka njaga á Moamɛ Pilátɔ, ɓóon'yá. Nanga ɓî ɗákondi ɗeketa akɛ,

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ekuma á ɓateki 6:10

Ɗáɓákántɔki gǎkɛ ka nyɔngɔ á ɓî ɗáɔyɔnga na kɔɓɔɔngɛ nde Měma á kanga ɓojeɗe ɗámophi.

Ekuma á ɓateki 6:15

Mpɔ, ɓakpa ɓɔbu ɓunde ɗáɓádondanigi wa, ɓáontúmia Sɛtɛphánɔ n'íso, ɓáɔɔna keongi akɛ n'akengeani na keongi á malaéka.

Ekuma á ɓateki 7:55

Sɛtɛphánɔ â gǎkɛ otúma na Měma á kanga ɓojeɗe, áoenga na koba, áɔɔna ɓoombia ndea Mokonga, Yéso n'amamege ka njaga akɛ á mǔku.

1 Ɓakɔlítɔ 2:13

Ɓéké ɔphɛa ú na yɔnga á kɔɓɔɔngɛ á kokpa, ɓe ndiu ɔphɛa na yɔnga nde Měma á Mokonga aosópha. Kaɓondɔ, ɓɛɔyɔnga nyɔngɔ á ka phɔa Měma á Mokonga na ɓakpa nde ɓá tɔ na Měma á Mokonga.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Yakɔ́ɓɔ 1:5

Cɔ, kaɓɛ ka ɓenu n'aúki kɔɓɔɔngɛ, ámmɛmɛ Mokonga na amophande ú. Nga, Mokonga aámbé aóɓopha ɓakpa ɓɔbu na měma mo kángá á oɓayɔ.

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.