Málikɔ 12:36 - Ɔngana á Kɛ̌kɛ

³⁶ Nga, Daúdi sasakɛ, Měma á kanga ɓojeɗe ɗánteki áyɔngɛ ɓe: Mɔkɔta Mokonga ɗángi Mɔkɔta nɛmɔ te, Ika ka njaga ani á mǔku, na ka ɓî něbisande ɓaɓiɓia akɔ kusi á ecinji akɔ.

Málikɔ 12:36 Iomraidhean Croise

Matáyɔ 5:35

tanda ka mokonda nga, ande ɔma á bisa ecinji akɛ, tanda ka Yɛusalɛ́ma nga, ande ntanga-nji ndea Moamɛ angbóngbó.

Ekuma á ɓateki 1:16

«Ɓaya, atókeni nyɔngɔ nde Měma á kanga ɓojeɗe ɗáyɔngi suɓi á Ɓuku á Mokonga átɔtɔkɛanɛ. Měma ndɔ ɗáyɔngi phɔ́ mosá suɓi á moamɛ Daúdi ka phɔa Yúda. Yúda ɗátú nsɔndɔi ndea ɓakpa ndɔ ɗáɓándungi Yéso.

Ekuma á ɓateki 28:25

Ɓî ɗáɓáotóka wa kángá á ɔ́kana sɔsɔɓɛ aɓɔ, Pɔ́lɔ â tɔ ɔyɔnga ka ɔkɔa aɓɔ te: «Měma á kanga ɓojeɗe ɗági tɔ ánjá ka tɔ̌mia ɓatatanu k'aphe ndea Isáya mɔtu-nyɔngɔ ndea Mokonga.

1 Ɓakɔlítɔ 15:25

Nga, akeni Kiísito ámameɛ nji bubui na ka ɓî Mokonga aebisande ɓaɓiɓia nɛkɛ ɓɔbu kusi écinji akɛ.

2 Timɔtɛ́ɔ 3:16

Nyɔngɔ bui nnde ɓáɗundu suɓi á Ɓuku ndea Mokonga, ɓáɗundu ú na ɓukpɛkpɛ á Mokonga, n'akeni ka phangiaga, sɛka á ɓɔphɛi á mbɛa, ka kea, na úbisa á aphe á ɗoni,

Ɓaɛbulanía 1:13

Mokonga kángoɗimbɛ mɔnɔ tanda ka ɓamalaéka ndeakɛ: «Ika ka njaga ani á mǔku, na ka ɓî něbisande ɓaɓiɓia ndeakɔ kusi á ecinji akɔ.»

Ɓaɛbulanía 4:7

Kaɓondɔ unge Mokonga abisi goto esa moci. Esa ka yɛ ɓáɔmɔphana «Kesande.» Ɓíndɔ Mokonga ɗán'yɔngisi Daúdi mbusa á ɓasaga ɓásii nyɔngɔ nde ɗáɗundu gea: «Kesande kaɓɛ na ɓɔɔ́ki ɛsɔ á Mokonga, ɓókógbagisɛmbɛ měma anu.»

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.

2 Pɛ́tɛɛ 1:21

Ka nyɔngɔ nde, nna tanda na nyɔngɔ nde ɓáɔtú ka kokpa. Ɓaɔtu-nyɔngɔ ndea Mokonga ɗáɓátɔ̌migi ndiu nyɔngɔ nde ɗátóki ka Mokonga ka ɓukpɛkpɛ á Měma á kanga ɓojeɗe.