Málikɔ 12:15 - Ɔngana á Kɛ̌kɛ

¹⁵ Yéso â gǎkɛ oúba maibe nɛɓɔ, áǒúsia te: «Ɓoomotombaga ka ɓo? Cɔ, bikani kani na ka imɔna á ngɔa moci nɛ́ɛnjiɛ.»

Málikɔ 12:15 Iomraidhean Croise

Matáyɔ 20:2

Áɔɔ́kana na ɓɔ k'ophendɔ nde akeni k'ésa ímoci. Mpɔ, áǒteka ka ciko nɛkɛ á mujabíbu.

Matáyɔ 22:18

Yéso ɗáúbi ye kanisia aɓɔ ájeɗe, áǒgea te: «Ɓato á maibe nde ca! Ɓoomotombaga ka ɓo?

Málikɔ 10:2

Wa, ka Ɓaphaisáyɔ ɓáombîmisia ka tombaga akɛ. Ɓɔ, ɓáomúsia ɓe: «Ɛɔphi nɛsu asosi gea mǒko án'yɛ nkakɛ?»

Málikɔ 12:14

Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Málikɔ 12:16

Ɓáombikia ně. Mpɔ, áǒúsia: «Cɔ, keongi, na ina nde ɓáɗundu wani ande á ani?» Ɓáonsikisia: «Ande á Moamɛ Kaisáa.»

Lóka 20:23

Ɓî Yéso ɗáúbi maibe nɛɓɔ, áǒgea:

Yoáni 21:17

Áomúsia mɔngɔ á ko isaɔ: «Simɔ́ni muna Yoáni, omokondi?» Pɛ́tɛɛ áɔɓɛa nga, Yéso ɗámúsi ka mɔngɔ á ko isaɔ: «Omokondi?» Mpɔ áonsikisia gea: «Mɔkɔta, oúba kema bui. O tɔ oúba gea nekokondi.» Yéso áongoɗea: «Ámbá ɓamɔgɔgɔ nɛmɔ.

Yoáni 8:6

Ɗáɓáɔyɔnga ɓó ka tombaga akɛ gea, ɓántɔngɛ. Yéso â gǎkɛ ǒgbuka, áoɗundua ka oɗo na miki á njaga.

Ekuma á ɓateki 5:9

Mpɔ Pɛ́tɛɛ â gǎkɛ ongoɗea te: «Ɓoɓeekeani ka jɔbisaga á Měma á Mɔkɔta? Cɔ, ɔɔɓɔna ɓakpa nde ɓátóge omúmba munyakɔ, ɓáungɔ ɓá k'íso á mpume. Ɓákogande phɔtɔ ně ɓó.»

1 Ɓakɔlítɔ 10:9

Ɓókontombɛgɛmbɛ mɔnɔ Kiísito ɓíndɔ ɓakpa ɓuangbo sɔsɔɓɛ aɓɔ ɗáɓántombigi. Kaɓondɔ unge, ɗáɓáku na ɓanjɔka.

Ɓaɛbulanía 4:13

Nna na ka kema nde Mokonga ɗáconji nnde ɛ̌sɔmɛani k'íso akɛ. Kema bubui a tɔ ndúmbú mosá akɛ. Aoúba ú. Yɛ goto tɔ aámbé ɓɛtɔmiande nyɔngɔ ndeasu bubui mosá akɛ.

Mphaniɔ 2:23

Kaɓɛ na ɓákáɗeketi, němowande ɓakpa nde ɓágamani na yɛ. Mpɔ, ɓato á ka kanisa ɓɔbu ɓáúbande gea, neoengekisa mɔphɛ á ɓakpa na kanisia aɓɔ. Úbani gea, nemphendande nkpa na nkpa sɔsɔɓɛ anu ka ɓeana na tambea akɛ.