Málikɔ 12:14 - Ɔngana á Kɛ̌kɛ

¹⁴ Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Málikɔ 12:14 Iomraidhean Croise

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Matáyɔ 22:17

Ɔ́sɔtɔmia phɔ́ kanisia akɔ ka nyɔngɔ nde, aoɓá n'ande ɗoni kaɓɛ mbɛa gea: Ɛɔphi nɛsu asosi phenda á manjanja ka moamɛ angbóngbó á Ɓalɔ́ma?»

Málikɔ 12:13

Ɓáǒteka ka Ɓaphaisáyɔ na ka ɓakpa ndea Moamɛ Ɛlɔ́dɛ kuɓî Yéso aɔ, ka gea ɓánkongoɛ ka ɓoabi nɛkɛ.

Málikɔ 12:15

Yéso â gǎkɛ oúba maibe nɛɓɔ, áǒúsia te: «Ɓoomotombaga ka ɓo? Cɔ, bikani kani na ka imɔna á ngɔa moci nɛ́ɛnjiɛ.»

Málikɔ 14:45

Ka kiɗia á Yúda tɔ, áombîmisia Yéso, áongea: «Ngoisigi!» Mpɔ, áomumbiaga.

Lóka 20:22

Cɔ, ósóngoɗea phɔ́: Ɛɔphi nɛsu asososi phenda á manjanja á Kaisáa, mɔkɔta á Ɓalɔ́ma, kaɓɛ na kásososi phenda í?»

Lóka 23:2

Ɓî ɓánjú ně kó, ɓáokpanga tɔnga akɛ, ɓáogea te: «Ɓetóndondi mɔgaa nde n'aǒdema ɓato á k'ékuna nɛsu, ka gea te, ɓákáphendɛmbɛ manjanja mɔtɛ á Kaisáa, goto agi te ande Moamɛ Masíya.»

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Ɓalɔ́ma 13:6

Ka nyɔngɔ índɔ unge, ɓo phɔtɔ ophenda manjanja nga, ɓunde ɓáophendisaga ú, Mokonga aámbé aebisi k'ékuma ndɔ.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 2:2

Nga, aoɓá na nɛnɔ́ɓɛisi, ani mmbé amɔtɛbisande goto? Nna phɔ́ mmbɔ ɗémɓɛisi?

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 5:11

Cɔ, ɓeoúba kantíti á ɓánga á Mɔkɔta. Kaɓondɔ, ɓeokaɓa tɔka á ɓakpa ka měma aɓɔ. Mokonga aosóúba ánjá phɛɛ. Neseɓei phɔtɔ gea, ɓoósoúba ka měma anu.

2 Ɓakɔlítɔ 5:16

Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓagalatía 2:6

Ɓakɔta á kanisa ɗáɓákáyamei gǎkɛ ka kema ka ɓɔphɛi nɛmɔ. Nanga ɓáɓá ɓakɔta, nndɔ nna kema k'éme nga, Mokonga nna n'oɓayɔ. Ɓakɔta ndɔ, ɗáɓákámososi gǎkɛ moangɔ á kɛ̌kɛ.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.