Málikɔ 11:32 - Ɔngana á Kɛ̌kɛ

³² Aoɓá na ɓegi gǎkɛ atóki ka ɓakpa, kaɓɛ ánjá.» Nga, usɛsɛ á ɓakpa ɓɔbu ɗáɓátúoúba gea te, Yoáni ande mɔtu-nyɔngɔ ndea Mokonga ɗoni.

Málikɔ 11:32 Iomraidhean Croise

Matáyɔ 11:9

Cɔ, eke nde ɓotóge kɔɛnjia? Mɔtu-nyɔngɔ ndea Mokonga? Eya, nenóngoɗi ɗoni gea, anyɛ́nyi mɔtu-nyɔngɔ ndea Mokonga.

Matáyɔ 14:5

Ɓî Ɛlɔ́dɛ ɗáɔgea ánkusisɛ Yóani katɔtɔkɛanɛ gǎkɛ ka nyɔngɔ á ɓánga Ɓayúda nga, ɓɔbu ɗáɓámbɛɗi Yoáni ɓea mɔtu-nyɔngɔ ndea Mokonga.

Matáyɔ 21:46

Kaɓondɔ, ɓáokaɓa aphe á dunga akɛ, ɓâ gǎkɛ oɓánga usɛsɛ á ɓakpa ɓundɔ ɗáɓámɓeeki gea, ande mɔtu-nyɔngɔ ndea Mokonga.

Málikɔ 11:31

Mpɔ, ɓáoianaga ngǔngu aɓɔ, ɓáogea: «Aoɓá na ɓegi te: ‹Mokonga aámbé ɗánteki›, ámbé asoúsiande gea: ‹Ka nyɔngɔ éke nde ɗóɓókómɓeeki gǎkɛ Yoáni?›

Málikɔ 11:33

Kaɓondɔ, ɓáonsikisia Yéso: «Ɓékéoúba.» Mpɔ, Yéso áǒngoɗea: «Eme gǎkɛ, kénongoɗeɛku cina á kɔkɔta nde nɛɔtɔtɔkisa ně.»

Málikɔ 12:12

Wandɔ, ɓakɔta á Ɓayúda, ɓáokaɓa aphe á dunga á Yéso. Nga, ɗáɓáúbi gea te, mɛní ndɔ Yéso ayɔngi ka phɔaɓɔ. Ɓî ɗáɓátú gǎkɛ ǒɓánga ɓakpa, ɓáonkámba, ɓáoga.

Málikɔ 6:20

Nga, Ɛlɔ́dɛ ɗáomɓánga Yoáni. Ɗáúbi gea te, Yoáni ande nto á koɗoni na nto á kanga ɓojeɗe. Kaɓondɔ, áonamba. Mbenɔ nde ɗáɔ́ki, áotangaaga ka ɓoabi ndea Yoáni nanga ɓî ɗáokonda ɔ́ka á yɔnga akɛ phɛɛ.

Lóka 20:19

Cɔ, ka mbenɔ ndɔ tɔ, ɓaɗundu-ɛɔphi na ɓagbɛga á ɓatoɓeigi-phɛ́a ɓáokaɓa dunga á Yéso nga, ɗáɓáúbi gea ɗáyɔngi mɛní ndɔ ka phɔa ɓɔ. Ɗáɓákandungi gǎkɛ nga, ɗáɓá na kɔɓɔɓɔkɔ á ɓakpa.

Lóka 22:2

ɓagbɛga á ɓatoɓeigi-phɛ́a na ɓaɗundu-ɛɔphi, ɗáɓáɔɓɔgɔmɛaga mowa á Yéso, ɓâ ndiu oɓá na kɔɓɔɓɔkɔ á ɓakpa.

Yoáni 10:41

Ɓakpa ɓásii ɓáombikia, ɓáɔn'yɔngɛa: «Yoáni ɗákátɔtɔkisi tanda ketangaɔ moci. Kema bui nde ɗáyɔngi gǎkɛ ka phɔa á Yéso, ɗátú tɔ ɗoni.»

Ekuma á ɓateki 5:26

Mbusa, mɔkɔta á ɓaɓondigi-endu á mekakɔ, áoga kimoci na ɓabɛɗanigi nɛkɛ k'aphe á jisa á ɓateki. Ɗáɓědungi ɓokɛ-ɓokɛ, ka nyɔngɔ nde ɗáɓáɓángi oyombɔ gea, ɓakpa ɓákáemakeɛgɛmbɛ ɓabɛɗanigi ndɔ ɛtɛ ka kusa aɓɔ.