Málikɔ 11:25 - Ɔngana á Kɛ̌kɛ

²⁵ A phɔtɔ oɓá na ɓomame ka mɛma á Mokonga, na ɓona nyɔngɔ na nkpa, ímani ɓojeɗe nde ɓánogǐí ka gea te, Abanu mmbé á na koba áímɛ phɔtɔ ɓojeɗe nɛnu. [

Málikɔ 11:25 Iomraidhean Croise

Matáyɔ 5:23

Aoɓá n'obiki na ɛkɔmi nɛkɔ k'ɛtɛ-ɔ́phɛ́ɔ, n'okanisi te dakɔ ana nyɔngɔ n'oɓɛ,

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Matáyɔ 6:5

Mbenɔ nde ɓɔɔmɛma, ɓókoɓɛmbɛ mɔnɔ ɓea ɓato á maibe ɓunde ɓámɔnɔ okonda mɛma na ɓámamege k'éndu á madondanɔ ndea Ɓayúda ka nyɔngɔ á Mokonga na k'aphe ka gea ɓakpa ɓɛ́ɓɔnɛ. Nenóngoɗi ɗoni gea, ɓá ye tɔi ophendɔ nɛɓɔ.

Lóka 18:11

Mophaisáyɔ áǒmesia, áɔmɛma Mokonga ka měma akɛ sasakɛ ɓe: ‹Hoo Mokonga! Nekosikisíí ɓosegi nga, ké ɓea ɓakpa ɓuangbo ɓunde ɓánde ɓakukuɓa, ɓato á kanga koɗoni, ɓato á iɛɓɛ. Nekosikisíí phɔtɔ ɓosegi gea, ké ɓea mphendisigi-manjanja ndee.

Lóka 18:13

Mphendisigi-manjanja gǎkɛ, áomamaga ɗanga, kángá táisa iso akɛ na koba, áɔ̌ɓɛtaga k'égogo na ɓɔmbɛ, áogea te: ‹Hoo Mokonga! Ómokuia ngomi, nende nto á ɓojeɗe.›»

Lóka 6:37

Ɓókotenɛmbɛ nyɔngɔ á nkpa ka gea, ɓákatenɛmbɛ nyɔngɔ ínɛnu. Ɓókotenɛmbɛ nyɔngɔ á ɓakpa ka gea, ɓákatenembɛ nyɔngɔ ínɛnu akpɛ. Ímani ɓojeɗe nde ɓakpa ɓági ka phɔanu ka gea, ɓáímɛ ɓojeɗe ínɛnu.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓakɔlɔsái 3:13

Phiphianani, aoɓá ka ɓenu n'ana nyɔngɔ á kitɔngi ka dakɛ, áímɛ ú ɓíndɔ Mɔkɔta ɗáími ɓojeɗe nɛnu.

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

Mphaniɔ 11:4

Ɓaɗigimisi ɓaɓɛ ndɔ, ɓánde ɓame ɓaɓɛ á mijɛitúni na ɓangeo ɓaɓɛ á kpatikisa ɔbɛa ɓunde ɓámamege mosá á Mɔkɔta á ka mokonda.