Málikɔ 11:23 - Ɔngana á Kɛ̌kɛ

²³ Nenóngoɗi ɗoni gea, aoɓá nkpa n'angoɗi mamba nde, áogea: ‹Phúikana súa, ógɛ guiɛ k'óɓenge.› Aoɓá na nna na ngǎka ka měma akɛ n'aɓeeki gǎkɛ te, ɓoabi nɛkɛ atɔtɔkɛanande, aɓande tɔ ɓó.

Málikɔ 11:23 Iomraidhean Croise

Matáyɔ 14:13

Mbenɔ nde Yéso ɗáɔ́ki mbino á kukuwa á Yoáni-Mɓatisi, áokambea ka koko, áoga oika sisakɛ ka nkanda. Usɛsɛ á ɓakpa ɓáɔɔ́ka, ɓáotóka ka ntanga-nji nde a bîbíbí ɓáomɓea Yéso, na ɓáotamba k'ɔɓɛɛ á iɓo.

Matáyɔ 17:20

Yéso áǒsikisia gea: «Ka nyɔngɔ nde ɓeekea anu aábɔa phɛɛ. Nenóngoɗi ɗoni gea, atúoɓá na ɓo tɔ na ɓeekea ábɔa ɓea mbuka á aladáli, ɓotóngoɗeande mamba ndee: ‹Tówa wani, ógɛ kó!› Atógande, ka kema kátóúkɛku tɔtɔkɛana ka njaga anu. [

Matáyɔ 21:21

Yéso áǒngoɗea: «Nenóngoɗi ɗoni gea, aoɓá na ɓona ɓeekea kángá á ngǎka, ɓókógeɛku tɔndɔ kema sumbî negi ka me ndee. Ɓɔtɔkande gǎkɛ ngonɗea á mamba nde phɔtɔ: ‹Phúikana sua, ógɛ guiɛ k'óɓe nge›, nndɔ atɔtɔkɛanande.

Lóka 17:6

Yɛ áǒsikisia gea: «Atúoɓá ɓeekea nɛnu na ɓɔbɔbɔa í n'aɓea miki á mbuka, ámbé ɓɔɔtɔka na ɓongoɗi me á mukuyu nde: ‹Phúikana, ógɛ ɔ́tɛɛ k'óɓenge.› Atógeande ɓíndɔ ɓonsosi.

Yoáni 14:13

Nɛtɔtɔkisande phɔtɔ kema bui nde ɓɔɔmɛma k'ína ani. Kaɓondɔ unge, ɓánɗokomisande Abɛ ka Anakɛ.

Yoáni 15:7

Aoɓá na ɓoiki suɓi ani, nyɔngɔ nɛmɔ n'aiki suɓi anu, cɔ, mɛmani kema bui nde ɓokondi, na ɓɔtɔande.

1 Ɓakɔlítɔ 13:2

Nanga néɓá n'egabɔ á ɔtɔa nyɔngɔ á Mokonga, nanga néúba nyɔngɔ á ɓɔsɔmɛa bui, nanga néɓá na úbapha bui, nanga néɓá na ɓeekea nde aɔtɔka na toisi mamba, na ké gǎkɛ n'ékondi, ne tɔ nkpa jǎi.