Málikɔ 11:18 - Ɔngana á Kɛ̌kɛ

¹⁸ Ɓî ɓagbɛga á ɓatoɓeigi-phɛ́a na ɓaɗundu-ɛɔphi ɓáɔ́ki ye ɓó, ɓáokaɓa kusa á Yéso. Ɗáɓátú omɓánga Yéso ka nyɔngɔ nde, goisaga nɛkɛ ɗɛ́ɓɔngɛi usɛsɛ á ɓakpa ɓásii phɛɛ.

Málikɔ 11:18 Iomraidhean Croise

Matáyɔ 21:15

Cɔ, ka ɔna ketangaɔ nde Yéso ɗági, na nkogo á ɓaniki k'éndu á Mokonga: «Obebɔ ka Mosuko á Daúdi!» Nndɔ áɔ̌ɓɛisa ɓagbɛga á ɓatoɓeigi-phɛ́a na ɓaɗundu-ɛɔphi.

Matáyɔ 7:28

Mbusa á Yéso gɔɓa á yɔnga nyɔngɔ ndɔ, usɛsɛ á ɓakpa ɓáotangaaga phɛɛ ka nkókó á ɓɔphɛi nɛkɛ.

Málikɔ 1:22

Ɓundɔ ɗáɓátúɔɔ́ka goisaga ndɔ, ɓáotangaaga phɛɛ. Nkókó á goisaga kau ɗátingani n'índe á ɓaɗundu-ɛɔphi nga, ɗáogoisaga ú na kɔkɔta.

Málikɔ 11:32

Aoɓá na ɓegi gǎkɛ atóki ka ɓakpa, kaɓɛ ánjá.» Nga, usɛsɛ á ɓakpa ɓɔbu ɗáɓátúoúba gea te, Yoáni ande mɔtu-nyɔngɔ ndea Mokonga ɗoni.

Málikɔ 12:12

Wandɔ, ɓakɔta á Ɓayúda, ɓáokaɓa aphe á dunga á Yéso. Nga, ɗáɓáúbi gea te, mɛní ndɔ Yéso ayɔngi ka phɔaɓɔ. Ɓî ɗáɓátú gǎkɛ ǒɓánga ɓakpa, ɓáonkámba, ɓáoga.

Málikɔ 3:6

Kɛ̌kɛndɔ, Ɓaphaisáyɔ ɓáojuana, ɓáoga odondana na ɓakpa ndea Moamɛ Ɛlɔ́dɛ ka maca. Ɓáokaɓa moangɔ á kusisa á Yéso.

Málikɔ 6:20

Nga, Ɛlɔ́dɛ ɗáomɓánga Yoáni. Ɗáúbi gea te, Yoáni ande nto á koɗoni na nto á kanga ɓojeɗe. Kaɓondɔ, áonamba. Mbenɔ nde ɗáɔ́ki, áotangaaga ka ɓoabi ndea Yoáni nanga ɓî ɗáokonda ɔ́ka á yɔnga akɛ phɛɛ.

Lóka 19:47

Esa bui, Yéso ɗáogoisaga k'éndu á Mokonga. Ɓagbɛga á ɓatoɓeigi-phɛ́a na ɓaɗundu-ɛɔphi phɔtɔ na ɓakɔta á ɓato á ka nji ɗáɓáokáɓa kusa á Yéso.

Lóka 2:47

Ɓundɔ ɗáɓáɔmɔ́ka, ɓɔbu ɓáotangaaga ka nyɔngɔ á úbapha, na ɓoabi nɛkɛ.

Lóka 20:19

Cɔ, ka mbenɔ ndɔ tɔ, ɓaɗundu-ɛɔphi na ɓagbɛga á ɓatoɓeigi-phɛ́a ɓáokaɓa dunga á Yéso nga, ɗáɓáúbi gea ɗáyɔngi mɛní ndɔ ka phɔa ɓɔ. Ɗáɓákandungi gǎkɛ nga, ɗáɓá na kɔɓɔɓɔkɔ á ɓakpa.

Lóka 4:22

Nyɔngɔ nɛkɛ áɔ̌ɓɔngɛa ɓakpa ɓɔbu ɓunde ɗáɓáɔmɔ́ka nga, ɓoabi ndɔ ɗátú á ketangaɔ. Ɓáoúsianaga: «Nna phɔ́ muna Yɔsɛ́phu aámbé?»

Yoáni 7:1

Mbusa á wa, Yéso áɔtɔmba Galiláya. Ɗákákondi gǎkɛ tɔmba á Yudɛ́a ka nyɔngɔ nde, Ɓayúda ɗáɓáokáɓa mowa akɛ.

Yoáni 7:19

Cɔ, Mósa ɗákánophi phɔ́ ɛɔphi? Nna gǎkɛ na ka ɓenu ímbé aoamba ɛɔphi kau. Cɔ, ɓookaɓa mowa ani ka ɓo?»

Yoáni 7:46

Ɓaɓondigi ndɔ ɓáǒsikisia: «Tanda phɔ́! Ɓékémɔkimbɛ mɔnɔ nkpa n'aɔyɔnga ɓea mmbɔ.»

Ekuma á ɓateki 24:25

Ɓî Pɔ́lɔ ɗátú ɔyɔnga nyɔngɔ á koɗoni, ɛngɛpha na tena á nyɔngɔ akpɛ nde abikaeka, Phelíki áoɓá na kɔɓɔɓɔkɔ. Áongea Pɔ́lɔ te: «Ka kɛ̌kɛnde, gǎ phɔ́! Nɛkɔɔphanande goto mbenɔ nɛngbo.»