Málikɔ 11:14 - Ɔngana á Kɛ̌kɛ

¹⁴ Mpɔ, Yéso áɔnsɛmɛaga me ndɔ te: «Nkpa káɛeka ye tanda mbuka akɔ.» Ɓagoigi ɓáɔɔ́ka sɛmɛaga ndɔɔ.

Málikɔ 11:14 Iomraidhean Croise

Matáyɔ 21:19

Áɔɔna me nde ɓáɔɔphana mtini ka mpɛphɛ á aphe, áokétea ú, â gǎkɛ odonda na kágɔmbi. Aɔnsɛmɛaga me ndɔ te: «Kɔ́gɔmbɛeka.» Mɔngɔ moci, me ndɔ áɔɔmɔkaka.

Matáyɔ 21:33

Yéso â goto ǒngoɗea ɓakpa ndɔ te: «Ɔ́kani phɔ́ goto mɛní nɛngbo: Áǒgea: Nkpa moci ɗákoni ciko á mujabíbu, áogáa ú. Áotongea okanga ka kama á mbuka í na kɛndɛa iɓo í. Áɔphɛka ngbángbá ka mɓondigi ciko. Aǒbisa ɓabɛɗanigi, áɔmɛa tamba.

Matáyɔ 21:44

Mmbé aogua gǔ á ɛtɛ aɓúnukagande, mmbé ɛtɛ a gǎkɛ onguia, angogande.]»

Matáyɔ 3:10

Cɔ, ɓábisi ye eoka ka tenaga á mǐgi-mǐgi á ɓame. Me buakɛ mmbé nnaɔgɔmbisa mbuka ánjá, ɓámbiande na maka akɛ ka nsa.

Matáyɔ 7:19

Ɓáombia me buakɛ mmbé nnaɔgɔmbisa mbuka ánjánja, ɓáomaka ka nsa.

Málikɔ 11:13

Aɔɔna ɗanga, kasa á me nde ɓáɔɔphana mtini. Áoga kɔɔnjia bíbí nga, ɗátúoúba te agɔmbi. Akiɗi ye, â tɔ ɔɔna kasa kángá á mbuka nga, ɗákátú matú á gɔmba í.

Málikɔ 11:15

Mbusa, Yéso na ɓagoigi nɛkɛ, ɓáokiɗia ka Yɛusalɛ́ma. Yéso áongia k'éndu ndea Mokonga, áǒɓeaga ɓasombisigi na ɓasombigi-nkumba. Áokpúngbumisaga mɛja ndea ɓaánganisigi-imɔna, na kankaanga ndea ɓasombisigi-ɓamboe.

Yoáni 15:6

Mmbé káiki suɓi ani, ande ɓea ntabi nde ɓáteni, ɓáomaka, áɔɔmɔkaka. Mpɔ, ɓáoɓoa ntabi nde aɔmɔkaki, ɓaómaka ka nsa, áosiɗa.

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.

Mphaniɔ 22:11

Nto-ajeɗe ásuiɛ tɔ ɓojeɗe nɛkɛ, nto á jɔɔkana ásuiɛ tɔ jɔɔkana nɛkɛ, nto-anjánjá gǎkɛ ásuiɛ tɔ gea ánjá na nto á kanga ɓojeɗe ásuiɛ tɔ ika kángá á ɓojeɗe.»