Málikɔ 10:47 - Ɔngana á Kɛ̌kɛ

⁴⁷ Ɓî aɔ́ki ye gea, Yéso nto á ka Najalɛ́ti aámbé aɔnyɛ́nya, áokpanga yɔnga n'ɛsɔ akpɛ: «Yéso mosuko á Daúdi hoo! Ómokuia ngomi ee!»

Málikɔ 10:47 Iomraidhean Croise

Matáyɔ 1:1

Cɔ, ɔnani ina á ɓatatakɛ na Yéso-Kiísito, mosuko á Daúdi, mosuko á Abalaámu.

Matáyɔ 12:23

Usɛsɛ á ɓakpa ɓɔbu ɓundɔ ɗáɓátú wa, ɓáoyayama, ɓáogea te: «Nna phɔ́ Mosuko á Daúdi aámbé?»

Matáyɔ 15:22

Kó, nke moci nto á ka Kanána ɗátú wa, áombikia Yéso n'aɔyɔnga n'ɛsɔ akpɛ gea: «Mɔkɔta, Mosuko á Daúdi, ómokuia phɔ́ ngomi! Nseka nɛmɔ aotambaga phɛɛ na kukuwa á ɓansombo.»

Matáyɔ 2:23

Yɔsɛ́phu áoga oika na Najalɛ́ti ka gea nyɔngɔ ndea ɓaɔtu-nyɔngɔ ndea Mokonga átɔtɔkɛanɛ gea: «Ɓámɔphanande nto á ka Najalɛ́ti.»

Matáyɔ 20:30

Ɓakeíme-íme ɓaɓɛ ɗáɓáiki ka mpɛphɛ á aphe. Ɓî ɓáɔ́ki gea, Yéso aɔnyɛ́nya, ɓáokoga: «Mɔkɔta hoo! Mosuko á Daúdi hoo! Ósokuia ngomi ee!»

Matáyɔ 21:11

Ɓundɔ ɗáɓátambi kimoci na Yéso ɓáǒsikisia te: «Ande Yéso mɔtu-nyɔngɔ ndea Mokonga, nto á Najalɛ́ti á ka Galiláya.»

Matáyɔ 21:9

Usɛsɛ á ɓakpa nde ɗáɓáotamba mosá á Yéso na mbusa akɛ, ɓáokoga te: «Obebɔ ka Mosuko á Daúdi! Mokonga ábisɛ njaga akɛ gǔ á nkpa nde aobika k'ína á Mɔkɔta! Obebɔ ka Mokonga na koba!»

Matáyɔ 26:71

Mpɔ áoga bíbí á kǐo á na ntanga. Kó, nke ɓaangbo mbɛɗanigi áɔmɔna, áǒngoɗea ɓundɔ ɗáɓátú wa gea: «Mmbé ɗátú na Yéso ɓa Najalɛ́ti.»

Matáyɔ 9:27

Mbenɔ nde Yéso amɛi, ɓakeíme-íme ɓaɓɛ ɓáomɓea na ɓáokogaga gea: «Mosuko á Daúdi hoo, ósokuia phɔ́ ngomi ee!»

Málikɔ 1:24

áogea: «Yéso ɓa Najalɛ́ti ekende ɓeogi ně? Obiki kosótindisa? Neokoúba, onde Nto á kanga ɓojeɗe ndea Mokonga.»

Lóka 4:16

Mbusa á wa, áoga na Najalɛ́ti ɔma nde ɗáɓámmɔtisi. Esa á saɓáto, áongia k'éndu á madondanɔ ndea Ɓayúda ka nyɔngɔ á Mokonga ɓíndɔ ɗátú ogeaga. Mpɔ, áoma ka tanga.

Yoáni 1:46

Mpɔ, Natanaɛ́li áomúsia: «Kema ánjá aɔtɔka n'atóki ka Najalɛ́ti?» Philípɔ áonsikisia: «Bika ɔ́ɔnɛ.»

Yoáni 19:19

Pilátɔ â phɔtɔ oɗundusa gǔ á gáo, áobisa ú ka moyangɔ. Ɗáɗundu gǎkɛ ɓe: YÉSO ƁA NAJALƐ́TI MOAMƐ NDEA ƁAYÚDA.

Yoáni 7:41

Ɓakpa ɓuangbo ɓáogea: «Yɛ, ande Kiísito.» Ɓunɛngbo ɓâ ndiu ɔyɔnga te: «Kiísito aɔtɔka n'atóki na Galiláya?

Yoáni 7:52

Ɓáosikisia te: «Onde phɔtɔ nto á ka Galiláya? Cɔca phɔ́ Ɓuku á Mokonga, ɔɔnande gea, ka ɓaɔtu-nyɔngɔ ndea Mokonga moci nnaɔtɔka n'atóki na Galiláya.» [

Ekuma á ɓateki 6:14

Nga, ɗɛ́ɓɛmɔ́ki n'aɔyɔnga gea, Yéso ɓa Najalɛ́ti angbɔande endu ndea Mokonga, áogaia asii nde Mósa ɗásophi.»

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»