Málikɔ 10:45 - Ɔngana á Kɛ̌kɛ

⁴⁵ Nga, eme Muna-Nkpa, kébiki ka gea ɓakpa ɓámɔbɛɗaneɛgɛ. Nebiki ndiu ka bɛɗaneaga aɓɔ na bisa á enda ani k'óphendɔ ka amisa á ɓakpa ɓásii.»

Málikɔ 10:45 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Málikɔ 10:44

Aoɓá ka ɓenu moci n'akondi ɓá nto á k'ama mosá-mosá, akeni áɓɛ mbɛɗanigi á ɓɔbu.

Yoáni 10:15

A tɔ ɓíndɔ Abɛ amoúbi, eme, nê phɔtɔ omúba Abɛ. Cɔ, neɓeeki kukuwa ka nyɔngɔ á ɓamɔgɔgɔ nɛmɔ.

Yoáni 13:14

Cɔ, kaɓɛ netónosokosi ecinji, eme ‹Ngoisigi› na ‹Mɔkɔta›, akeni ɓenu ka ɓenu ɓósokosanɛ phɔtɔ ecinji anu.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 5:8

Nanga ɓî ɗátú Muna-Mokonga, ɗágoigi édidisa ka tambaga bui.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.