Málikɔ 10:37 - Ɔngana á Kɛ̌kɛ

³⁷ Ɓáonsikisia: «Mbenɔ nde oɓande ka koɓoamɛ nɛkɔ á ɓoombia, ɓeekea gea, ka ɓesu moci áikɛ ka njaga akɔ á mǔku na ɓaangbo ka njaga akɔ á nkei.»

Málikɔ 10:37 Iomraidhean Croise

Matáyɔ 19:28

Yéso áǒngoɗea: «Nenóngoɗi ɗoni gea, mbenɔ nde Muna-Nkpa aikande ka kankaanga á ɓoombia ka mokonda nde abikande, ɓenu íɓunde ɗóɓomoɓǐ, ɓoikande phɔtɔ ka kankaanga nkama na iɓɛ (12) ka tena á nyɔngɔ á ekuna nkama na iɓɛ (12) ndea Isilaɛ́li.

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Málikɔ 10:36

Yéso áǒgea: «Kema sina nde ɓokondi nɛ́tɔtɔkisɛ ka phɔanu?»

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.