Málikɔ 10:33 - Ɔngana á Kɛ̌kɛ

³³ Aǒgea: «Cɔ, ɓetái na Yɛusalɛ́ma. Kó, eme Muna-Nkpa ɓámobisande ka njaga á ɓagbɛga á ɓatoɓeigi-phɛ́a na ɓaɗundu-ɛɔphi. Ɓátenande nyɔngɔ á kukuwa ani, ɓáomobisa ka njaga á ɓakpa nde ɓáná Ɓayúda.

Málikɔ 10:33 Iomraidhean Croise

Matáyɔ 16:21

Ka mbenɔ ndɔ, Yéso áokpanga úbisa á ɓagoigi nɛkɛ base gea: «Akeni négɛ na Yɛusalɛ́ma na tambaga ka njaga á ɓagbɛga, ɓagbɛga á ɓatoɓeigi-phɛ́a na ɓaɗundu-ɛɔphi. Ɓámokusisande, esa á ko isaɔ, nejujukande ka kukuwa.»

Matáyɔ 26:66

Cɔ, kanisia anu aɓo?» Ɓáonsikisia te: «Akeni tɔ ákuwɛ nga, agi ájeɗe.»

Matáyɔ 27:2

Mbusa á ɓoaga akɛ, ɓáonga ně mosá á Pilátɔ, mɔkɔta nde amamei nji á Yudɛ́a.

Málikɔ 14:64

Nga, ɓɛɔ́ki sasasu nyɔngɔ nɛkɛ ɓî ěkengeanisi na Mokonga. Ɓogi gǎkɛ ɓo?» Ɓakpa ɓɔbu ɓáongea: «Akeni tɔ ákuwɛ.»

Málikɔ 15:1

Aɓí ye ka mɔkɛsuɛ, ɓagbɛga á ɓatobeigi-phɛ́a, ɓagbɛga á ka nji, ɓaɗundu-ɛɔphi na ɓato á ka ntua á tena nyɔngɔ ɗáɓádondanigi ɓɔbu, ɓáɔɓɔngisia moangɔ. Mpɔ, ɓáososea gea ɓámɓoɛgɛ Yéso, ɓáonga ně mosá á Pilátɔ.

Málikɔ 8:31

Mbusa, Yéso áokpanga goisaga á ɓagoigi nɛkɛ gea: «Akeni eme Muna-Nkpa nétambɛgɛ ásii, ɓagbɛga, ɓagbɛga á ɓatoɓeigi-phɛ́a, na ɓaɗundu-ɛɔphi, ɓámoyɛgɛ na kusisa ani. K'ésa á ko isaɔ mbusa á kukuwa, nejujúkande ka kukuwa.»

Málikɔ 9:12

Yéso áǒsikisia te: «Eya, Elía abikande phɔ́ k'aphe á ɓɔngisiaga goto ánjá kema bui. Cɔ, eke nde Ɓuku á Mokonga aɗigimisi phɔtɔ gea te, eme, Muna-Nkpa, netambagande ásii, ɓáomotondea?

Málikɔ 9:31

Cɔ, nyɔngɔ nde Yéso ɗáǒgoisaga ɓagoigi nɛkɛ aungee: «Eme, Muna-Nkpa, ɓámongisande ka njaga á ɓakpa ɓunde ɓámomowande. K'ésa á ko isaɔ mbusa á kukuwa ani, nejujukande.»

Lóka 23:21

Ɓâ gǎkɛ okoga te: «Nkɔkɛagani ee! Nkɔkɛagani yɛ ka moyangɔ.»

Lóka 9:22

 phɔtɔ ǒɓúbisa: «Akeni eme Muna-Nkpa nétambɛgɛ phɛɛ, ɓagbɛga, ɓagbɛga á ɓatobeigi-phɛ́a na ɓaɗundu-ɛɔphi ɓámoyɛgɛ na kusisa ani. Mpɔ k'ésa á ko isaɔ, nejujukande ka kukuwa.»

Yoáni 18:28

Ka mɔkɛsuɛ, ɓaamɛ á Ɓayúda ɓáonjuana na Yéso mɔtɛ á mɔkɔta Kayápha, ɓáonga ně k'éndu ndea moamɛ á ntanga-nji ndea Ɓalɔ́ma. Ɗáɓákángi gǎkɛ k'éndu ndɔ nga, ɗáɓákátúokonda ɓájɔɔkanɛ ka nyɔngɔ á ea á Pasáka.

Yoáni 18:32

Ande gea, yɔngaga nɛɓɔ ɗátɔtɔkisi ɓoabi nde Yéso ɗáabi ka phangia etéte á kukuwa akɛ.

Yoáni 19:11

Yéso áonsikisia: «Kóná ka kɔkɔta gǔ ani, na nna tɔndɔ nnde ɓákophi ka toka na koba. Kaɓondɔ unge, nkpa nde amobisi ka njaga akɔ, ɓojeɗe ínɛkɛ anyɛ́nyɛi nɛkɔ.»

Ekuma á ɓateki 13:27

Cɔ, ɓato á ka Yɛusalɛ́ma na ɓakɔta nɛɓɔ, ɗáɓákámúbi Yéso. Ɗáɓákáúbi phɔtɔ nyɔngɔ ndea ɓaɔtu-nyɔngɔ ndea Mokonga, nnde ɗáɓáotanga esa á saɓáto bui. Ka tena nyɔngɔ á kukuwa á Yéso aunge ɗáɓátɔtɔkisi ɓoabi ndea ɓaɔtu-nyɔngɔ ndea Mokonga.

Ekuma á ɓateki 20:22

Cɔ, kɛ̌kɛnde, Měma á kanga ɓojeɗe amososi gea négɛ na Yɛusalɛ́ma. Kéoúba kema nde amogeande kó.

Yakɔ́ɓɔ 5:6

Ɗóɓoteni akpɛ nyɔngɔ ndea ɓakpa ɓunde ɓáká na nyɔngɔ na mowa aɓɔ, ɓɔ ɗáɓákáeunisi.