Málikɔ 10:32 - Ɔngana á Kɛ̌kɛ

³² Yéso na ɓagoigi nɛkɛ ɓátóki ye wa, ɓáotáia na Yɛusalɛ́ma. Yéso áɔ̌mɛɛa mosá. Ɓagoigi nɛkɛ ɓáoɓá na kɔɓɔɓɔkɔ. Ɓakpa nde ɗáɓátú ǒɓea, ɓáoɓánga phɛɛ. Yéso â goto ɔ̌bɛɗa ɓagoigi nɛkɛ nkama na ɓaɓɛ (12), áokpanga tɔ̌mia aɓɔ nyɔngɔ nde atɔtɔkɛanande ka phɔakɛ.

Málikɔ 10:32 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Málikɔ 1:27

Ɓakpa ɓɔbu ɓáoyayama, na ka ɓî ɗáɓáoúsianaga: «Eke nde? Goisaga nde akiɗi kɛ̌kɛ ana ɓukpɛkpɛ. Mogáa nde áǒsosea ɓansombo, ɓɔ ɓáɔmɔ́ka.»

Málikɔ 4:34

Yéso ɗákátú okamba mɛní ka ɓɔphɛi nɛkɛ. Â gǎkɛ ǒngoɗeaga ɓagoigi nɛkɛ kantíti í bui ka ɓɔsɔmɛa.

Lóka 10:23

Mbusa, Yéso áǒpháia nci nde ɓagoigi nɛkɛ ɓáɔ, áǒngoɗea ɓɔ sasaɓɔ te: «Ɓosegi ka ɓakpa ɓɔbu ɓunde ɓáɔɔna nnde ɓɔɔni.

Lóka 19:28

Mbusa á Yéso tɔ̌miaga á mɛní ndɔ, áɔmɛɛa mosá ka táia na Yɛusalɛ́ma.

Lóka 9:51

Ɓî esa á ja á Yéso na koba ɗá ye tɔ bíbí, Yéso áosuia mesa á tamba ka gǎ na Yɛusalɛ́ma.

Yoáni 11:16

Mpɔ, Tɔmá, mmbɔ ɓáɔmɔphana Mphase, áǒngoɗea ɓagoigi ɓunɛngbo te: «Ɓesu, ɓégɛni phɔtɔ ka gea, ɓékuwɛ na Mɔkɔta nɛsu.»

Yoáni 11:8

Wa, ɓagoigi ɓáongea: «Ngoisigi, nna tɔ ka ɓ'esa nde unge Ɓayúda ɓátúokaɓa mowa akɔ n'ɛtɛ? Cɔ, o goto oja ko?»