Málikɔ 10:30 - Ɔngana á Kɛ̌kɛ

³⁰ Mokonga amophande goto kema ndɔ bui mɔngɔ mia moci (100) ka matú nde ɓe phɔ́tɔ oenda, kaɓɛ endu, ɓana-amakɛ, ɓáwákɛ, ɓamakɛ, ɓ'anakɛ na ciko, aɓande phɔtɔ na tambaga. Mpɔ, ka matú nde abikaeka, aɓande na enda á mɛyɔ.

Málikɔ 10:30 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Matáyɔ 13:8

Mbó nɛngbo â gǎkɛ oguwa ka oɗo ánjá, áɔɓɔkɔta. Nɛngbo áoɓá mbuka mia moci (100), nɛngbo nkama ngianjaga (60), nɛngbo nkama isaɔ (30).

Matáyɔ 6:33

Kaɓani phɔ́ koɓoamɛ na koɗoni ndea Mokonga. Mpɔ, anóphande kema bubui nde anójiganei.

Lóka 18:30

atɔande kema ásii ka matú ndee. Na ka matú nde abikaeka, aɓande na enda á mɛyɔ.»

Yoáni 10:23

Wa, Yéso ɗátúotamba suɓi éndu ndea Mokonga, ka mɔɛɓa á Sɔlɔmɔ́nɔ.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 16:25

Ka gabekana ésa, Pɔ́lɔ na Síla ɗáɓátú ɔmɛma na émba embɔ á beba á Mokonga. Ɓadaɓɔ ɓato á mekakɔ, ɓáɔ̌ɓɔ́ka.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

1 Timɔtɛ́ɔ 6:6

Eya, ɓeekea á Mokonga ande ɛtɔi ángbó aoɓá nkpa n'ana maseye k'índe aně.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.