Málikɔ 10:21 - Ɔngana á Kɛ̌kɛ

²¹ Yéso áonenga, áonkonda phɛɛ. Áongoɗea: «Oúki tɔ kema moci: Gǎ, ósombisɛ kema bui nde oně, ɔ́bɛɗɛ imɔna í, óɓophɛ ɓato á ɓuyɛnɛ, mbusa í, oɓande n'ɛtɔi na koba. Mpɔ bika, ómoɓeɛ.»

Málikɔ 10:21 Iomraidhean Croise

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Matáyɔ 19:21

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Málikɔ 10:22

Nkpa ndɔ aɔ́ki ye nyɔngɔ ndɔ, áophinda kiki, áoga n'aɓɛí nga, ɗátú n'ɛtɔi ásii phɛɛ.

Málikɔ 8:34

Mbusa, Yéso áɔɔphana usɛsɛ á ɓakpa phɔtɔ na ɓagoigi nɛkɛ áǒgea te: «Aoɓá nkpa n'akondi ɓeá ani, akeni ěyɛ sisakɛ. Ákumbɛ moyangɔ nɛkɛ, ámoɓeɛ.

Lóka 10:42

Cɔ, nyɔngɔ moci tɔ unge ana kantíti. Nga kema nde Malía asɔmbu aánjá kɔnyɛ́nya kema bui. Nkpa nnaɔtɔka n'amuti ú.»

Lóka 12:33

Sombisani nkumba nɛnu, ɓóɓophɛ ɓato á ɓuyɛnɛ imɔna í. Ɓɔngisiani ndiu kanu njombi á na koba, nnde nnaoújukana. Phombeagani kanu ɛtɔi na koba k'ɔ́ma nde ɓákáújɛku, ɓakukuɓa ɓákádondɛeka na ɓansɛngɛ ɓákáújɛeka

Lóka 16:9

Mpɔ, Yéso áɔsɛkisia ɓe: «Nenógie, gabani nkumba nɛnu ódemayɔ ka gea te, ɓóokondisɛgɛ na ɓadanu. Nga, esa nɛngbo, ɛtɔi nɛnu asiande. Mpɔ ɓánoseseande k'ɔ́ma á ɓoiki á mɛyɔ.»

Lóka 18:22

Yéso aɔ́ki ye nyɔngɔ ndɔ, áongoɗea: «Aojigíí goto kema moci. Sombisa nkumba nɛkɔ bui, ógabeɛ ɓato á ɓuyɛnɛ imɔna í. O ye ogea ɓó, mpɔ ôɓá na nkumba na koba. Mbusa, bika ómoɓeɛ.»

Lóka 19:41

Mbenɔ nde Yéso abîmisi ntanga-nji, áɔɔna, áogámea ú,

Lóka 9:23

 phɔtɔ ǒngoɗea ɓɔbu ɓe: «Aoɓá nkpa n'akondi ɓeá ani, akeni ěyɛ sisakɛ, ákumbɛ moyangɔ nɛkɛ esa bui, ámoɓeɛ.

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 2:45

Nga, ɗáɓáosombisaga nkumba ɗanga-ɗanga, na osaa nɛɓɔ, ɓáokatisanaga imɔna í sɔsɔɓɛ aɓɔ ka tɔtɔkisa siki nde nkpa na nkpa ɗátú ně.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Timɔtɛ́ɔ 3:12

Ɓakpa ɓɔbu ɓunde ɓákondi enda ka beba á Mokonga ka jukana aɓɔ na Kiísito Yéso ɓáetambisagande.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Yakɔ́ɓɔ 2:10

Nga, aoɓá nkpa n'aɓúni ɛɔphi moci nanga áamba nndɔ nɛngbo, ande mɓuni-ɛɔphi bubui.

Mphaniɔ 2:14

Cɔ, ne gǎkɛ na oyeyɔ ábɔa k'óɓɛ: Mɔtɛ-akɔ, ona ɓakpa nde ɓáɓeeki ɓɔphɛi ndea Baláma. Baláma aámbé ɗángoɗi Baláka ábisɛ ephiphi ájeɗe ka Ɓaisilaɛ́li ka ɓɔnga aɓɔ gea, ɓáeɛ nyama nde ɓáphúi ka phɛ́a á ɓamokonga á mbɛa, na ɓágɛ k'aphe ótungɔ.

Mphaniɔ 2:20

Cɔ, ne gǎkɛ na oyeyɔ k'óɓɛ. Oomɓɛya nke ndɔ Yɛjɛbɛ́li gea ábɛɗanɛgɛ, mmbé aɔyɔnga sasakɛ gea, ande nke mɔtu-nyɔngɔ ndea Mokonga. A gǎkɛ ɔ̌phɛa ɓabɛɗanigi nɛmɔ na ɓungisaga aɓɔ k'aphe ótungɔ, na ea á nyama nde ɓáphúi ka phɛ́a á ɓamokonga á mbɛa.

Mphaniɔ 2:4

Cɔ, nyɔngɔ nde ne gǎkɛ ně ka phɔakɔ a ɓe: Kó ye omokonda ɓíndɔ ɗômokonda mosá.