Málikɔ 10:17 - Ɔngana á Kɛ̌kɛ

¹⁷ Mbenɔ nde Yéso ɗámɛi tamba nɛkɛ, nkpa moci áombikia mbangɔ, áongbukia muanku, áomúsia: «Ngoisigi anjánjá, négeɛ ɓo, néɓɛ na enda á mɛyɔ?»

Málikɔ 10:17 Iomraidhean Croise

Matáyɔ 17:14

Mbenɔ nde Yéso na ɓagoigi nɛkɛ ɓákiɗi ɔma nde usɛsɛ á ɓakpa ɓáɓei, nkpa moci áombikia Yéso, áongbukia muanku,

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 28:8

Cɔ, ɓake ndɔ ɓáokamisaga tóka ka bóta, ɓáoɓá na kɔɓɔɓɔkɔ na maseye phɛɛ, ɓáoga mbangɔ ka tɔ̌mia á ɓagoigi ndea Yéso nyɔngɔ ndɔɔ.

Málikɔ 1:40

Nto á kukuwa á sǔ moci áobika bíbí á Yéso, áogbuka muanku mosá akɛ, áonɗengemisaga te: «Aoɓá n'okondi, ɔɔtɔka n'omosokosei.»

Málikɔ 10:18

Yéso áonsikisia ɓe: «Ɔmɔɔphani Nto á anjánjá ka ɓo? Mokonga sasakɛ tɔndɔ aámbé aánjánja.

Málikɔ 12:14

Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Málikɔ 9:25

Yéso áɔ̌ɓɔna usɛsɛ á ɓakpa n'aóyamea. Kaɓondɔ, áǒkea ɓansombo, áǒgea: «Ɓenu ɓansombo á ko kaúma na ɓunde á kanga ɔ́kapha nde ca! Nenósosi, júanani suɓi á miki ndee. Ɓókósikiɛmbɛ ye ka yɛ.»

Lóka 10:25

Mbusa, ngoisigi moci áomá, áokaɓa tombaga á Yéso, áomúsia: «Ngoisigi, négeɛ ɓo, néɓɛ na enda á mɛyɔ?»

Yoáni 3:2

Cɔ, yɛ áombikia Yéso kǐpha áongoɗea: «Ngoisigi, ɓeoúba gea, Mokonga aámbé ɗáoteki k'aphe á goisaga asu ka nyɔngɔ nde, nkpa nnaɔtɔka n'atɔtɔkisi ketangaɔ ɓíndɔ ɔɔtɔtɔkisa, kaɓɛ Mokonga na nna kimoci na yɛ.»

Yoáni 5:39

Ɓɔɔcɔca Ɓuku á Mokonga nga, ɓookanisia te, suɓi í, ana nyɔngɔ á enda á mɛyɔ. Cɔ, Ɓuku ndɔ ungɔ atooɗigimisa nyɔngɔ ani.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Ekuma á ɓateki 16:30

Mbusa, áǒjuanisa, â kǒúsia te: «Ɓaya, akeni négeɛ ɓo ka gea, néamɛ ka měma?»

Ekuma á ɓateki 2:37

Ɓî ɓakpa ɗáɓáɔ́ki nyɔngɔ ndɔ, áǒsumba ka měma. Ɓáomúsia Pɛ́tɛɛ na ɓateki ɓuangbo te: «Ɓaya, ɓegeande ɓo?»

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ekuma á ɓateki 9:6

Cɔ, má, ógɛ ka ntanga-nji á Damasíki. Kó, ɓáongoɗeande kema nde akeni ógeɛ ú.»

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Títɔ 3:7

Mokonga agi ɓó ka ɓonjánja-ékondi nɛkɛ, ka gea, ɓéɓɛ ɓato á koɗoni mosá akɛ, ka tɔá enda á mɛyɔ nde ɓeseɓei.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

1 Pɛ́tɛɛ 1:4

na ɓondea á ɓotukɔ nde Mokonga anóbisíí na koba nnde nnaoújukana, nnaɔjɔɔkana, nnaoɓuɓia.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.