Málikɔ 10:14 - Ɔngana á Kɛ̌kɛ

¹⁴ Yéso aɔni ye ɓó áɔɓɛa, áǒngoɗea te: «Óɗeketani ɓaniki ɓábɔbɔa ɓábikɛ mɔtɛ-amɔ. Ɓókǒimisiɛmbɛ nga, koɓoamɛ ndea Mokonga a ndiu á ɓakpa ɓunde ɓá ɓea ɓaniki.

Málikɔ 10:14 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 18:4

Nkpa buakɛ mmbé ědidisande na ɓá ɓea miki abɔbɔa nde, aámbé aɛ́nyɛ́nyande ɓadakɛ ka koɓoamɛ á na koba.

Matáyɔ 19:14

Yéso â gǎkɛ ogea: «Óɗoani ɓaniki ɓásɛkɛɗɛ bíbí ani, ɓókǒimisiɛmbɛ nga, koɓoamɛ ndea na koba a ka ɓunde ɓá ɓea ɓaniki.»

Matáyɔ 5:10

Maseye ka ɓunde ɓakpa ɓáǒtambisaga ka nyɔngɔ á koɗoni nga, koɓoamɛ á na koba ande aɓɔ.

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Málikɔ 8:33

Yéso áǒpháia, áɔ̌ɓɔna ɓagoigi nɛkɛ, mpɔ áonkeea Pɛ́tɛɛ, áongea: «Já mbusa ani Sɛtáni nde ca! Nga, kanisia akɔ nna ɓea kanisia ndea Mokonga. A ndiu kanisia á kokpa.»

Yoáni 3:3

Yéso áonsikisia: «Nekongoɗi ɗoni gea, nkpa nde káɓɔkɔtɛani mɔngɔ á ko iɓɛ, káɔnɛku koɓoamɛ ndea Mokonga.»

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Ekuma á ɓateki 2:39

Nga, mɔkɔ ndea Mokonga a ka ɓenu, ɓaniki nɛnu na ɓɔbu ɓunde ɓá ɗanga na ɓɔbu ɓunde Mɔkɔta nɛsu Mokonga aɛɓɔphanande.»

Ekuma á ɓateki 3:25

Ɓenu gǎkɛ, ɓonde ɓampɛnɛ á ɓaɔtu-nyɔngɔ ndɔɔ. Ɓonde phɔtɔ ɓamɛna-konsamba nde Mokonga ɗáɔngi na ɓatatanu. Nga, ɗángoɗi Abalaámu gea: ‹Ka ɓasuko akɔ, něgeeande ɓonjánja ɓato á k'ékombo bui á ka mokonda.›

Ɓalɔ́ma 11:16

Aoɓá ɓoata á mokati n'ande ka Mokonga, nnde ajigi a phɔtɔ ka Mokonga. Aoɓá mǐgi n'ande ka Mokonga ámbé ntabi a phɔtɔ ka Mokonga.

Ɓalɔ́ma 11:28

Ka nyɔngɔ á ya Mbino-Ánjá, Ɓaisilaɛ́li ɓáoɓá ɓaɓiɓia ndea Mokonga ka ɓonjánja nɛnu. Yɛ, â gǎkɛ tɔ kɔ̌sɔmbɔa na konda á ɓɔ ka nyɔngɔ á ɓatataɓɔ.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 7:14

Nga, ka mǒko mmbé nna mɓêki, a bíbí na Mokonga ka nyɔngɔ á ɔ́kana akɛ na nkakɛ. Ka nke mmbé nna mɓêki, a phɔtɔ bíbí na Mokonga ka nyɔngɔ á ɔ́kana akɛ na munyakɛ. Kaɓɛ na nna ɓó, ámbé ɓ'ananu ɓáɓande ɓaniki áɔjɔɔkana, na ɓá ye ɗoni bíbí na Mokonga.

Ɓaɛphɛ́sɔ 4:26

Kaɓɛ na ɓɔɓɛí, ɓɛí ndɔ kanóngisɛmbɛ mɔnɔ ka ɓojeɗe na ɓókómakɛmbɛ esa suɓi á ɓɛí kau.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

Mphaniɔ 14:5

Ɗáɓákáyɔngi tanda mbɛá, ɓáoɓá kángá kisɛki.