Málikɔ 10:1 - Ɔngana á Kɛ̌kɛ

¹ Yéso atóki ye wa, áoga ka phaeka ntanga-nji nɛngbo á Yudɛ́a kubi á Yɔɔdáni. Kó, usɛsɛ á ɓakpa ɓâ goto odondana bíbí akɛ, áokpanga goto goisaga ɓíndɔ ɗáɛmbani ně.

Málikɔ 10:1 Iomraidhean Croise

Matáyɔ 26:55

Mpɔ Yéso áǒngoɗea usɛsɛ á ɓakpa ndɔ te: «Ɓokiɗi na píndí na gbutu ka dunga ani ɓea moege-ɓakpa? Cɔ, esa bui ɗɛ́ɔnɔphɛa k'éndu á Mokonga, ɗóɓókómodungi.

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Málikɔ 1:21

Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 10:2

Wa, ka Ɓaphaisáyɔ ɓáombîmisia ka tombaga akɛ. Ɓɔ, ɓáomúsia ɓe: «Ɛɔphi nɛsu asosi gea mǒko án'yɛ nkakɛ?»

Málikɔ 12:35

Mbenɔ nde Yéso ɗátú ɔphɛa k'éndu á Mokonga, áǒngoɗea ɓakpa te: «Nyɔngɔ sina nde ɓaɗundu-ɛɔphi ɓáogea te, Kiísito ande mosuko á Daúdi?

Málikɔ 14:49

Cɔ, esa bui, ɗétú ka ɔlɔ anu ka goisaga anu k'éndu á Mokonga. Ɗóɓókómodungi. Nnde ɓogi gǎkɛ, a tɔ tɔtɔkisa ɓíndɔ ɗáɓáɗundu suɓi á Ɓuku á Mokonga.»

Málikɔ 2:13

Yéso â goto oga ka mpɛphɛ á etǔ Galiláya. Ɓakpa ɓásii ɓáobika ondonda. Yɛ, áǒgoisaga.

Málikɔ 4:2

Mpɔ, áǒgoisaga nyɔngɔ ásii ka mɛní. Áǒngoɗea ɓe:

Málikɔ 6:2

Aɓi ye esa á saɓáto, Yéso áokpanga phɛá suɓi éndu nɛɓɔ á madondanɔ ka nyɔngɔ á Mokonga. Cɔ, ɓunde ɗáɓátú ɔɔ́ka ɓɔphɛi ndɔ ɗáɓáɓiki. Ɓáotangaaga, ɓáogea te: «Mogaa nde atóki na kema nde bui wani? Nkpa sina mmbé amophi kɔɓɔɔngɛ na ɓukpɛkpɛ á tɔtɔkisa ketangaɔ ɓínde?

Málikɔ 6:34

Ɓî Yéso aki ye ka koko, áɔɔna usɛsɛ ángbó á ɓakpa, áǒkuia ngomi nga, ɗáɓátú ɓea ɓamɔgɔgɔ kángá á mɓondigi. Kaɓondɔ, áokpanga goisaga aɓɔ kema ásii.

Málikɔ 6:6

 phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Yoáni 10:40

Mbusa, Yéso â goto oga kubi á Yɔɔdáni, ɓî Yoáni ɗáɓátisi mosá. Áoika kó.

Yoáni 11:7

Mpɔ, áǒngoɗea ɓagoigi nɛkɛ gea: «Ɓéjeni goto na Yudɛ́a.»

Yoáni 18:20

Yéso áonsikisia: «Ɗɛ́yɔngi base mosá á ɓakpa ɓɔbu, néogoisaga k'éndu á madondanɔ ndea Ɓayúda ka nyɔngɔ á Mokonga na k'éndu á Mokonga, kuɓî Ɓayúda ɓɔbu ɓáodondanaga. Ɗékébuníígi ka nyɔngɔ mosá á ɓakpa.