Málikɔ 1:8 - Ɔngana á Kɛ̌kɛ

⁸ Eme ɗénóɓatisi ka iɓo. Yɛ gǎkɛ, anoɓatisande ka Měma á kanga ɓojeɗe.»

Málikɔ 1:8 Iomraidhean Croise

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Málikɔ 1:7

Cɔ, Yoáni ɗéngoɗi ɓakpa áɔyɔnga ɓe: «Nkpa moci aobika mbusa ani, amɔnyɛ́nyi ka ɓukpɛkpɛ, mmbé kékeni gbuta ka koɗa á ngoi á ɓiato nɛkɛ.

Málikɔ 1:9

Ka mbenɔ ndɔ, Yéso áotóka na Najalɛ́ti á ka Galiláya, ka gǎ mɔtɛ á Yoáni. Yoáni áomɓatisa ka Yɔɔdáni.

Lóka 3:16

Yoáni â gǎkɛ ǒsikisia ɓakpa ɓɔbu gea: «Eme neonóɓatisa nɛmɔ ka iɓo. Nkpa moci a gǎkɛ obika mbusa ani n'amɔnyɛ́nyi ka ɓukpɛkpɛ. Kékeni koɗa á ngoi á ɓiato nɛkɛ. Yɛ aámbé anóɓatisande ka Měma á kanga ɓojeɗe na ka nsa.»

Yoáni 1:26

Yoáni áǒsikisia te: «Eme, nenóɓatisi ka iɓo, nkpa a gǎkɛ sɔsɔɓɛ anu, mmbé ɓókómúbimbɛ.

Yoáni 1:33

Cɔ, ɗékémúbi mosá á dida á Měma ndɔ. Nga, Mokonga mmbé amoteki néɓatisɛ ka iɓo, ɗámongoɗi: ‹Nɛmɔnande nkpa, Měma á Mokonga n'aodida, áoika na yɛ. Nkpa ndɔ aámbé aɓatisande ka Měma á kanga ɓojeɗe.›

Ekuma á ɓateki 1:5

Nga, Yoáni ɗéɓatisi ɓaɓêki na iɓo, ɓenu gǎkɛ mbusa á esa ábɔa, Mokonga anoɓatisande na Měma akɛ.»

Ekuma á ɓateki 10:45

Ɓaɓêki ɓunde ɓánde Ɓayúda ɓundɔ ɗáɓábiki na Pɛ́tɛɛ, ɓáotangaaga ka ɓî Měma á kanga ɓojeɗe nnde Mokonga ɗátekisi, ɗáɛmbi phɔtɔ ka ɓakpa nde ɓáná Ɓayúda.

Ekuma á ɓateki 2:17

Mokonga ayɔngi ɓe: ‹Ka matú á sungiaga á mokonda, nɛɛmbisande Měma ani ka ɓakpa ɓɔbu, Ɓaniki ɓǒko na ɓaseka nɛnu ɓáɔtɔande nyɔngɔ, Ɓaganda nɛnu, ɓáɔnande mphaniɔ. Ɓagbɛga nɛnu ɓáɗande na njeki.

Ekuma á ɓateki 2:4

Mpɔ, ɓɔbu ɓáotúma na Měma á kanga ɓojeɗe, ɓáokpanga yɔnga ka ɛyɔngi nɛngbo ɓíndɔ Měma aéteki gea, ɓáyɔngɛ.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.