Málikɔ 1:5 - Ɔngana á Kɛ̌kɛ

⁵ Ɓakpa ɓɔbu á ka ntanga-nji á Yudɛ́a na ɓunde á ntanga-nji á Yɛusalɛ́ma, ɓáondonda, ɓáɔyɔnga nyɔngɔ á ɓojeɗe nɛɓɔ. Mpɔ, Yoáni áǒɓatisa ka iɓo Yɔɔdáni.

Málikɔ 1:5 Iomraidhean Croise

Matáyɔ 4:25

Usɛsɛ á ɓakpa ɓáomɓea na ɓátóki ka nji ndee: Galiláya, Yɛusalɛ́ma, Yudɛ́a, Ntanga-nji nkama, na kubi á Yɔɔdáni.

Málikɔ 1:4

Kaɓondɔ, Yoáni-Mɓatisi ɗásɛnɛki ka nkanda n'aɔ̌tɔmia ɓakpa ɓe: «Kětiani tambea anu ájeɗe, ɓánoɓatisɛ, mpɔ Mokonga áimɛ ɓojeɗe nɛnu.»

Málikɔ 1:6

Yoáni ɗáɔ́li ngɔ́mbɛ nde ɗáɓáɓɔngisi na sáá á ngamia, áɔ̌ɓɔɛa angeɗe á mpokɔ ka cina á kuju. Eea nɛkɛ ɗátú ɓaáphaa na ɓoki á k'osaa.

Yoáni 1:28

Cɔ, nyɔngɔ ndɔ bui ɗágeani ka Bɛtanía, kubi á Yɔɔdáni, ɔma nde Yoáni ɗátú oɓatisa.

Yoáni 3:23

Yoáni-Mɓatisi ɗá phɔtɔ oɓatisa ka nji á Ainɔ́ni, bíbí na Saími nga, iɓo ásii ɗátú kó. Ɓakpa ɗáɓátúombikia, yɛ áǒɓatisa.

Yoáni 5:35

Cɔ, Yoáni-Mɓatisi ɗátú ɓea ɔbɛa nde aoola na bɛnya. Ɓô ndiu oɓeekea ika na maseye ka mbenɔ ábɔa ka owanga ndɔ.

Ekuma á ɓateki 19:18

Ɓakpa ɓásii, ɓunde ɗáɓámɓeeki Mɔkɔta Yéso, ɓáobika ɔɓɔngisiaga nyɔngɔ nɛɓɔ na yɔnga í mosá á ɓakpa.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.