Málikɔ 1:45 - Ɔngana á Kɛ̌kɛ

⁴⁵ Nto á kukuwa á sǔ ndɔ â ndiu oga okpanga tɔ̌miaga á nyɔngɔ nɛkɛ ka ntanga mosá á ɓakpa ɓɔbu. Kaɓondɔ, Yéso katɔkɛ ye ngia ka ntanga-nji k'íso á ɓakpa, â ndiu oga oika ka nkanda. Ɓakpa ɓâ gǎkɛ otóka ɔma bui, ɓáobika ondonda.

Málikɔ 1:45 Iomraidhean Croise

Matáyɔ 28:15

Ɓato émani ɓáɔbɛɗa imɔna ndɔ, ɓáogea ɓíndɔ ɗáɓáɛphɛí. Nyɔngɔ ndɔ áɔɛmba ka ɔlɔ á Ɓayúda na ka kesande.»

Matáyɔ 9:26

Mbinɔ ndɔ, áɔɛmba kekanga ndɔ bui.

Matáyɔ 9:31

Ɓâ ndiu oga kɔɛmbisa kema nde Yéso agi kekanga ndɔ bui.

Málikɔ 2:13

Yéso â goto oga ka mpɛphɛ á etǔ Galiláya. Ɓakpa ɓásii ɓáobika ondonda. Yɛ, áǒgoisaga.

Málikɔ 3:20

Mpɔ, Yéso na ɓagoigi nɛkɛ, ɓáosikianaga mɔtɛ-aɓɔ. Ɓakpa ɓásii ɓâ goto odondana kó na ka ɓî Yéso na ɓagoigi nɛkɛ ɓákáɓɛ ye na ɔma á eaga.

Málikɔ 3:7

Yéso na ɓagoigi nɛkɛ ɓâ gǎkɛ otóka sɔsɔɓɛ á ɓakpa ndɔɔ. Ɓáoga ka mpɛphɛ á etǔ á ka Galiláya. Ɓakpa ɓásii phɛɛ ɓáomɓea na ɓátóki na Galiláya, Yudɛ́a,

Málikɔ 7:36

Yéso â gǎkɛ ǒngoɗea te, ɓákantɔ̌miɛ mɔnɔ nkpa. Cɔ, nanga ɓî aengoɗi gea, ɓákantɔ̌miɛmbɛ nkpa, ɓâ ndiu oga na ɓáɔ̌tɔmia ɓakpa phɛɛ.

Yoáni 6:2

Usɛsɛ ángbó á ɓakpa ɓáomɓea nga, ɗáɓáɔni mphangiɔ á ketangaɔ nde ɗáɔtɔtɔkisa ka amisa á ɓato á esambɔ.

Títɔ 1:10

Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.