Málikɔ 1:44 - Ɔngana á Kɛ̌kɛ

⁴⁴ «Kɔ́ntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a, óphúiɛ phɛ́a nɛkɔ ɓíndɔ Mósa ɗásosi ka ubisa á ɓakpa gea oami.»

Málikɔ 1:44 Iomraidhean Croise

Matáyɔ 8:4

Mpɔ, Yéso áongoɗea: «Ɔ́ka phɔ́, kɔ́ntɔ̌miɛ mɔnɔ nkpa nyɔngɔ ndɔ. Gǎ ndiu óphangisiɛ sasakɔ ka ntoɓeigi-phɛ́a, óphúiɛ phɛ́a ka Mokonga ɓíndɔ Mósa ɗásosi ka gea, ɓakpa ɓɔbu ɓáengekisɛ gea oami.»

Málikɔ 1:43

Mosá á Yéso úkuia akɛ aphe, â gǎkɛ ɔmphɛa akpɛ te:

Lóka 17:14

Yéso ɛ̌ɓɔni ye, áǒngoɗea: «Gǎni, ɓógoéphangisiɛ mɔtɛ á ɓatoɓeigi-phɛ́a.» Ɓáoga. Na ɓá phɔ́tɔ k'aphe, sǔ nɛɓɔ áotóka.

Lóka 5:14

Mpɔ, Yéso áongoɗea te: «Kɔntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a na opha akɛ ɔphɛ́ɔ ɓíndɔ Mósa asosi ka nyɔngɔ á sokosea nto á sǔ. Nndɔ áɓɛ mphangiɔ ka ɓɔ gea oami.»

Ekuma á ɓateki 23:22

Mɔkɔta á ɓato émani áongoɗea moganda ndɔ gea: «Kɔ́ntɔ̌miɛgɛ mɔnɔ nkpa gea, omongoɗi nyɔngɔ ndee.» Áonjisa.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

1 Ɓakɔlítɔ 10:11

Cɔ, kema ndɔ ɗáedondi ka gea, áɓɛ mphangiɔ ka ɓesu. Ɗáɓásoɗunɗui ú, ka ɛngɛphisa asu, ɓesu íɓundɔ ɓeoenda ka sungiaga á matú.