Málikɔ 1:41 - Ɔngana á Kɛ̌kɛ

⁴¹ Yéso áonkuia ngomi, áonanoa njaga, áondunga, áongea te: «Cɔ, nekondi, neosokosei.»

Málikɔ 1:41 Iomraidhean Croise

Matáyɔ 9:36

Ɗáǒkuia usɛsɛ á ɓakpa nde ɗéɓɔni ngomi nga, ɓakpa ndɔ ɗáɓáɛli, ɓáoɓá kángá ɓukpɛkpɛ ɓea ɓamɔgɔgɔ kángá á mɓondigi.

Málikɔ 1:40

Nto á kukuwa á sǔ moci áobika bíbí á Yéso, áogbuka muanku mosá akɛ, áonɗengemisaga te: «Aoɓá n'okondi, ɔɔtɔka n'omosokosei.»

Málikɔ 1:42

Kɛ̌kɛndɔ sǔ áontóka, nyama akɛ áoama.

Málikɔ 4:39

Yéso ajujúki ye, áokea sumbu, áongoɗea iɓo á etǔ te: «Phɔnga phio!» sumbu áɔphɔnga, etǔ áɔkɔɓa phio!

Málikɔ 5:41

Yéso áondunga miki ndɔ ka njaga, áongoɗea ka ɛyɔngi nɛɓɔ: «Talita kum!» Ande gea te: «Nseka, nekongoɗi, ómesia!»

Málikɔ 6:34

Ɓî Yéso aki ye ka koko, áɔɔna usɛsɛ ángbó á ɓakpa, áǒkuia ngomi nga, ɗáɓátú ɓea ɓamɔgɔgɔ kángá á mɓondigi. Kaɓondɔ, áokpanga goisaga aɓɔ kema ásii.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 4:15

nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.