Málikɔ 1:39 - Ɔngana á Kɛ̌kɛ

³⁹ Áoga n'aɔtɔmba nji bui nde á ka Galiláya. Áɔ̌phɛa ɓakpa suɓi éndu nɛɓɔ á madondanɔ ndea á Ɓayúda ka nyɔngɔ á Mokonga, â phɔtɔ ǒjuanisa ɓansombo kó.

Málikɔ 1:39 Iomraidhean Croise

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 9:35

Yéso ɗáɔtɔmba nji na ntanga-nji bui n'aǒgoisaga ɓakpa suɓi éndu á madondanɔ ndea Ɓayúda ka nyɔngɔ á Mokonga, n'aɔphɛa Mbino-Ánjá á koɓoamɛ, n'aoamisa etéte á ngobo na kiɗɔti bui.

Málikɔ 1:21

Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 1:23

Cɔ, suɓi éndu ndɔ, nkpa moci ɗátú na kukuwa á ɓansombo, áokoga,

Málikɔ 1:38

Yéso áǒgea: «Ɓégɛni ka nji angbo, nnde a bîbíbí, nɛ́phɛɛ́ phɔtɔ ɓakpa kó nga, nndɔ ungɔ nebiki í.»

Málikɔ 3:1

Mbusa í, Yéso â goto ongia suɓi éndu á madondanɔ ndea Ɓayúda ka nyɔngɔ á Mokonga. Kó, nkpa moci ɗátú na njaga akɛ n'aphɛphi.

Málikɔ 6:6

 phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Málikɔ 7:30

Nke ndɔ áoja mɔtɛ-akɛ, áondonda anakɛ n'ěnanu k'éka, ɓansombo na ɓájúani ye suɓi akɛ.

Lóka 4:41

Ɓansombo ɓâ phɔtɔ ojuana ɓásii na ɓáokoga: «Onde Muna-Mokonga!» Yɛ, â ndiu ǒkeea, áǒdakanisa, ka nyɔngɔ nde, ɗáɓáúbi gea, Yéso ande Kiísito.