Málikɔ 1:21 - Ɔngana á Kɛ̌kɛ

²¹ Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 1:21 Iomraidhean Croise

Matáyɔ 4:13

Áotóka ka ntanga-nji á Najalɛ́ti, áoga oika ka ntanga-nji á Kapɛɛnaúmu, ka motii á etǔ Galiláya ka nji á Jebulúni na Naphutáli.

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Málikɔ 1:20

Kɛ̌kɛndɔ, Yéso áɔ̌ɓɔphana. Ɓɔ, ɓáonɗeketa abaɓɔ Jɛbɛdáyɔ na ɓabɛɗanigi suɓi á koko, ɓáomɓea Yéso.

Málikɔ 1:29

Ka juana aɓɔ k'éndu ndɔ á madondanɔ ndea Ɓayúda ka nyɔngɔ á Mokonga, Yéso, Yakɔ́ɓɔ na Yoáni ɓáoga mɔtɛ á Simɔ́ni na Andeé.

Málikɔ 1:33

Ka ntanga-nji ndɔ, ɓakpa ɓɔbu ɓáodondanaga k'íso á mpume.

Málikɔ 1:39

Áoga n'aɔtɔmba nji bui nde á ka Galiláya. Áɔ̌phɛa ɓakpa suɓi éndu nɛɓɔ á madondanɔ ndea á Ɓayúda ka nyɔngɔ á Mokonga, â phɔtɔ ǒjuanisa ɓansombo kó.

Málikɔ 10:1

Yéso atóki ye wa, áoga ka phaeka ntanga-nji nɛngbo á Yudɛ́a kubi á Yɔɔdáni. Kó, usɛsɛ á ɓakpa ɓâ goto odondana bíbí akɛ, áokpanga goto goisaga ɓíndɔ ɗáɛmbani ně.

Málikɔ 2:1

Mbusa á ɓ'esa ábɔa, Yéso áosikianaga na Kapɛɛnaúmu. Ɓakpa ɓáɔɔ́ka te a mɔtɛ-aɓɔ.

Málikɔ 3:1

Mbusa í, Yéso â goto ongia suɓi éndu á madondanɔ ndea Ɓayúda ka nyɔngɔ á Mokonga. Kó, nkpa moci ɗátú na njaga akɛ n'aphɛphi.

Málikɔ 6:2

Aɓi ye esa á saɓáto, Yéso áokpanga phɛá suɓi éndu nɛɓɔ á madondanɔ ka nyɔngɔ á Mokonga. Cɔ, ɓunde ɗáɓátú ɔɔ́ka ɓɔphɛi ndɔ ɗáɓáɓiki. Ɓáotangaaga, ɓáogea te: «Mogaa nde atóki na kema nde bui wani? Nkpa sina mmbé amophi kɔɓɔɔngɛ na ɓukpɛkpɛ á tɔtɔkisa ketangaɔ ɓínde?

Lóka 10:15

Na ɓenu ɓato á ka Kapɛɛnaúmu, ɓookanisia te, Mokonga anótáisande na koba? Anódidisande ndiu ka nji á ɓasí.»

Lóka 13:10

Cɔ, esa á saɓáto moci, Yéso ɗáogoisaga k'éndu á madondanɔ ndea Ɓayúda ka nyɔngɔ á Mokonga.

Lóka 4:16

Mbusa á wa, áoga na Najalɛ́ti ɔma nde ɗáɓámmɔtisi. Esa á saɓáto, áongia k'éndu á madondanɔ ndea Ɓayúda ka nyɔngɔ á Mokonga ɓíndɔ ɗátú ogeaga. Mpɔ, áoma ka tanga.

Lóka 4:23

Mpɔ Yéso áǒsikisia ɓoabi: «Ɗoni, ómongoɗeani phɔ́ mɛní ndee: ‹Nsaku, ósakoa sasakɔ.› Cɔ, gea phɔ́ wani nyɔngɔ ndɔ ɓɛtɔ́ɔ́ki n'ogi na Kapɛɛnaúmu nga, wani ande nji nɛkɔ.»

Ekuma á ɓateki 17:2

Ɓî Pɔ́lɔ ɗáɛmbani na ngiaga kau, áongia k'éndu ndɔɔ. Kó, áoaba na Ɓayúda ka saɓáto isaɔ ka phɔa nyɔngɔ nde a suɓi á Ɓuku á Mokonga.

Ekuma á ɓateki 18:4

Cɔ, esa á saɓáto bui, Pɔ́lɔ ɗáoabaga na Ɓayúda na Ɓagiíki suɓi éndu á madondanɔ ndea Ɓayúda ka nyɔngɔ á Mokonga ka gea te, ɓáɓeekeɛ.