Málikɔ 1:20 - Ɔngana á Kɛ̌kɛ

²⁰ Kɛ̌kɛndɔ, Yéso áɔ̌ɓɔphana. Ɓɔ, ɓáonɗeketa abaɓɔ Jɛbɛdáyɔ na ɓabɛɗanigi suɓi á koko, ɓáomɓea Yéso.

Málikɔ 1:20 Iomraidhean Croise

Matáyɔ 10:37

Nkpa nde ankondi abakɛ kaɓɛ amakɛ kɔmɔnyɛ́nya, kámokeni ně. Mmbé ankondi moganda kaɓɛ nsɛka nɛkɛ kɔmɔnyɛ́nya, kámokeni ně.

Málikɔ 1:19

Yéso áɔsɛkɛɗa mosá ábɔa, áɔ̌ɓɔna ɓana Jɛbɛdáyɔ: Yakɔ́ɓɔ na muna-makɛ Yoáni. Ɗáɓátú suɓi á koko na ɓáɔɓɔngisiaga moaɓɔ nɛɓɔ.

Málikɔ 1:21

Mbusa á wa, Yéso na ɓagoigi nɛkɛ ɓáoga na Kapɛɛnaúmu. Esa á saɓáto, kɛ̌kɛndɔ áongia suɓi éndu á madondanɔ ndea Ɓayúda ka nyɔngɔ á Mokonga, áǒgoisaga ɓakpa.

Málikɔ 10:29

Yéso áonsikisia te: «Eya! Nenóngoɗi ɗoni gea, nkpa nde aɗeketi endu nɛkɛ, ɓana-amakɛ, ɓáwákɛ, amakɛ, abakɛ, ɓ'anakɛ na ciko nɛkɛ, ka nyɔngɔ ani na ka phɔa á Mbino-Ánjá,

Lóka 14:26

«Nkpa nde aobika mɔtɛ-amɔ akeni ámokondɛ phɛɛ kɔnyɛ́nya abakɛ, amakɛ, nkakɛ, ɓ'anakɛ, ɓana-amakɛ na ɓáwákɛ. Ámokondɛ phɔtɔ phɛɛ kɔnyɛ́nya enda akɛ sasakɛ. Aoɓá na kágǐ ɓó, nkpa ndɔ kátɔkɛku ɓá ngoigi nɛmɔ.

Lóka 5:11

Mpɔ, ɓáodunduisa koko kubi, ɓáoɗeketa bui, ɓáomɓea Yéso.

2 Ɓakɔlítɔ 5:16

Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.