Málikɔ 1:15 - Ɔngana á Kɛ̌kɛ

¹⁵ Áogea te: «Cɔ, mbenɔ ajú nga, koɓoamɛ ndea Mokonga a ye tɔ bíbí. Kětiani tambea anu ájeɗe, ɓóɓeekeɛ Mbino-Ánjá.»

Málikɔ 1:15 Iomraidhean Croise

Matáyɔ 10:7

Ɔ́tɔ̌miagani ɓakpa k'aphe gea: ‹Koɓoamɛ á na koba a ye tɔ bíbí.›

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Lóka 10:11

‹Ɓenócicii mpusu á oɗo bui á ka ntanga-nji nɛnu nnde asóɗakati k'écinji. Úbani gǎkɛ gea, koɓoamɛ ndea Mokonga a ye tɔ bíbí.›

Lóka 10:9

Óamisani phɔtɔ ɓasambi á ka nji ndɔ na ngoɗea ɓɔ te: ‹Koɓoamɛ ndea Mokonga a ye tɔ bíbí anu.›

Lóka 24:47

Goto ka ina akɛ unge ɓɛ̌phɛande ɓato á ka ekuna bui, kpanga ka Yɛusalɛ́ma gea te, ɓákětiɛ tambea aɓɔ, mpɔ Mokonga áímɛ ɓojeɗe nɛɓɔ.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.