Málikɔ 1:14 - Ɔngana á Kɛ̌kɛ

¹⁴ Esa moci Yéso áoga na Galiláya ka mbenɔ nde ɗáɓándungisi Yoáni. Áɔtɔmia Mbino-Ánjá ndea Mokonga.

Málikɔ 1:14 Iomraidhean Croise

Matáyɔ 11:2

Cɔ, Yoáni ɗátú ka mekakɔ. Kó, áɔɔ́ka mbino á ekuma ndea Kiísito. Mpɔ, áǒteka ka ɓagoigi mɔtɛ á Yéso,

Matáyɔ 14:2

Ɛlɔ́dɛ áǒngoɗea ɓabɛɗanigi nɛkɛ te: «Ande Yoáni-Mɓatisi aámbé ajujúki ka kukuwa. Kaɓondɔ unge, ana ɓukpɛkpɛ á gea ketangaɔ.»

Matáyɔ 4:12

Cɔ, ɓî Yéso ɗáɔ́ki gea, ɓámmaki Yoáni-Mɓatisi ka mekakɔ, áoga na Galiláya.

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Matáyɔ 4:23

Yéso ɗátɔmbigi nji bui á ka Galiláya, n'aogoisaga suɓi éndu nɛɓɔ á madondanɔ ndea Ɓayúda ka nyɔngɔ á Mokonga na phɛá Mbino-Ánjá á koɓoamɛ. Kó, ɗáoamisa esambɔ ɗanga-ɗanga na kiɗɔti ka ɔlɔ á ɓakpa.

Matáyɔ 9:35

Yéso ɗáɔtɔmba nji na ntanga-nji bui n'aǒgoisaga ɓakpa suɓi éndu á madondanɔ ndea Ɓayúda ka nyɔngɔ á Mokonga, n'aɔphɛa Mbino-Ánjá á koɓoamɛ, n'aoamisa etéte á ngobo na kiɗɔti bui.

Lóka 3:20

Gǔ índɔ, Ɛlɔ́dɛ â goto ogea ɓojeɗe, áommakea Yoáni ka mekakɔ.

Lóka 8:1

Mbusa á wa, Yéso áoga ka ntanga-nji na ka nji nɛngbo abɔbɔa. Kó, áɔ̌tɔmiaga ɓakpa na phɛá aɓɔ, Mbino-Ánjá á koɓoamɛ ndea Mokonga. Ɓagoigi nkama na ɓaɓɛ (12) ɓáotamba kimoci na yɛ.

Ekuma á ɓateki 20:25

Ɗétú ɔphɛa nyɔngɔ á koɓoamɛ ndea Mokonga ka ɔlɔ anu ɓenu ɓɔbu. Kɛ̌kɛnde gǎkɛ, neoúba te ɓɔ́kɔ́mɔɔnɛku ye.

Ekuma á ɓateki 28:23

Ɓakɔta á Ɓayúda ɓunde ɗáɓátú ka Lɔ́ma ɓáɔɔ́kana na Pɔ́lɔ esa á dondana goto na ɓɔ. Esa kau, ɓáodondanaga ɓakpa ɓásii k'ɔ́ma ndɔ ɗáoikaga. Kpanga á kamɓimba na ka ɓî age ojua ɔgɔgɔ, Pɔ́lɔ n'aɔ́tɔmiaga, na úbisa aɓɔ nyɔngɔ á koɓoamɛ ndea Mokonga. Áokaɓa gea, ɓámɓeekeɛ Yéso n'aokumia ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓaɛphɛ́sɔ 2:17

Ande gea, Kiísito ɗábiki ɔtɔmiaga Mbino-Ánjá á ɓujɛjɛ ka ɓakpa ɓɔbu. Ka ɓenu ɓato á k'ekuna nɛngbo, ɓunde ɗóɓotú ɗanga na Mokonga, phɔtɔ ka Ɓayúda ɓunde ɗáɓátú bíbí akɛ.