Málikɔ 1:1 - Ɔngana á Kɛ̌kɛ

¹ Wani ande nkpangeɔ á Mbino-Ánjá á Yéso Kiísito, Muna-Mokonga.

Málikɔ 1:1 Iomraidhean Croise

Matáyɔ 14:33

Cɔ, ɓagoigi nɛkɛ ndɔ ɗáɓátú suɓi á koko, ɓáogbuka muanku aɓɔ mosá á Yéso, ɓáongoɗea te: «Onde Muna-Mokonga ɗoni!»

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Matáyɔ 3:17

Wa, ɛsɔ áɔɔ́kɛkana n'atóki na koba gea: «Mmbé ande miki nɛmɔ á ekondi, nena maseye ka phɔakɛ.»

Matáyɔ 4:3

Kó, Ntombigi áɔsɛkɛɗa bíbí á Yéso, áongoɗea: «Aoɓá n'onde Muna-Mokonga, sosea phɔ́ ɛtɛ nde, áɓɛ mokati.»

Lóka 1:35

Malaéka áonsikisia te: «Měma á kanga ɓojeɗe adidande, áoika gǔ akɔ. Mokonga, Mmbé ana kɔkɔta bui, aogbukumiande n'iimbiɔ á ɓukpɛkpɛ nɛkɛ. Kaɓondɔ unge mmbé ɔmɓɔkɔtande aɓande nto á kanga ɓojeɗe, ɓámɔphanande phɔtɔ Muna-Mokonga.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:34

Cɔ, eme Yoáni ɗɛ́nɛɔni nndɔ, néoɗigimisa gea, nkpa ndɔ ande Muna-Mokonga.»

Yoáni 1:49

Kaɓondɔ, Natanaɛ́li áongoɗea: «Ngoisigi, onde Muna-Mokonga, Moamɛ ndea Ɓaisilaɛ́li.»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 6:69

Ɓeɓeeki ú na úba í gea, onde Nto á kanga ɓojeɗe ndea Mokonga.»

Ekuma á ɓateki 1:22

kpanga ka oɓatisɔ ndea Yoáni, na ka sungiaga ɓî Mokonga ɗántáisi Yéso na koba. Nga, akeni áɓɛ nɗigimisi á nyɔngɔ á jujúka á Yéso ka kukuwa.»

Ekuma á ɓateki 13:24

Mosá á bika á Yéso, Yoáni-Mɓatisi ɗáɛphɛí Ɓaisilaɛ́li ɓɔbu gea, ɓákětiɛ tambea á ɓɔ, na ɓáeɓatisɛ.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?