Matáyɔ 9:8 - Ɔngana á Kɛ̌kɛ

⁸ Mbenɔ nde usɛsɛ á ɓakpa ɓáɔni nyɔngɔ ndɔ, ɓáoɓá na kɔɓɔɓɔkɔ, ɓáombeba Mokonga ka opha á ɓakpa ɓukpɛkpɛ ɓíndɔ.

Matáyɔ 9:8 Iomraidhean Croise

Matáyɔ 12:23

Usɛsɛ á ɓakpa ɓɔbu ɓundɔ ɗáɓátú wa, ɓáoyayama, ɓáogea te: «Nna phɔ́ Mosuko á Daúdi aámbé?»

Matáyɔ 15:31

Usɛsɛ á ɓakpa ɓáoyayama phɛɛ, ɓî ɓɛ́ɓɔni ɓakauma na ɓáɔyɔnga, ɓaɗɔti na ɓáami, ɓaketǔmbe na ɓáotamba, ɓakeíme-íme na ɓáɔɔnapha. Kaɓondɔ, ɓáombeba Mokonga ndea Ɓaisilaɛ́li.

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Matáyɔ 5:16

Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Matáyɔ 9:7

Nkpa ndɔ áoma, áoja mɔtɛ-akɛ.

Málikɔ 2:12

Mɔngɔ moci, áoma, áokumba kɛsɛ nɛkɛ, áojuana mosá á ɓakpa ɓɔbu. Ɓɔ, ɓáotangaaga, ɓáombeba Mokonga, ɓáogea: «Ɓékéɔnimbɛ mɔnɔ k'índe!»

Málikɔ 7:37

Ɓakpa ɓáotangaaga phɛɛ. Ɓáogea te: «Aɔtɔtɔkisa kema bui ánjá phɛɛ. Ɓaɗakekanigi-kecue ɓá ye tɔ ɔɔ́kapha na ɓakauma ɓá ye tɔ ɔyɔnga.»

Lóka 13:13

Áobisa njaga gǔ akɛ. Ka mbenɔ ndɔ tɔ, ngɔngɔ akɛ áǒnanoa, áombeba Mokonga.

Lóka 17:15

Moci sɔsɔɓɛ aɓɔ, mbenɔ nde aɔni gea, ɗáami, áoja mbusa n'aombeba Mokonga k'ɛ́sɔ akpɛ.

Lóka 17:18

Nna na ka ɓɔ mmbé akanisi já ká sega á Mokonga, tɔndɔ mɔkɛni nde?»

Lóka 18:43

Kɛ̌kɛndɔ tɔ, â goto ɔ̌napha. Áomɓea Yéso n'aombeba Mokonga. Ɓî ɓakpa ɓɔbu ɓáɔni ye ɓó, ɓâ phɔtɔ ombeba Mokonga.

Lóka 2:20

Cɔ, ɓaɓondigi-ɓamɔgɔgɔ ɓáoja, ɓáombeba na ɗokomisa á Mokonga ka kema bui nde ɗáɓáɔ́ki na ɔna í. Nga, ɗátɔtɔkɛani ɓíndɔ malaéka ɗěngoɗi.

Lóka 23:47

Mbenɔ nde mɔkɔta á ɓato émani ɗáɔni nnde ɗányɛ́nyi, áombeba Mokonga na yɔnga te: «Eya! Nkpa nde ɗátú nto á koɗoni.»

Lóka 7:16

Mpɔ, kɔɓɔɓɔkɔ áɔ̌bɛɗa ɓakpa ɓɔbu, ɓáombeba Mokonga, ɓáogea: «Mɔtu-nyɔngɔ angbóngbó ndea Mokonga asókiɗianei. Mokonga abiki ǒenga ɓakpa nɛkɛ.»

Yoáni 15:8

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 21:20

Ɓî ɓáɔ́ki ye nyɔngɔ ndea Pɔ́lɔ, ɓáombeba Mokonga na ngoɗea Pɔ́lɔ te: «Moko, ɔɔna ɓî Ɓayúda ɓásii phɛɛ ɓámɓeeki Mokonga na ɓî ɓɔbu ɓásui amba ɛɔphi.

Ekuma á ɓateki 4:21

Mbusa á ɓangisa aɓɔ goto, ɓáǒɗoa. Ɗáɓákáɔni nyɔngɔ á tambisaga aɓɔ kau nga, ɓakpa ɓɔbu ɗáɓáombeba Mokonga ka nyɔngɔ á kema nde ɗágeani.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

Ɓagalatía 1:24

Mpɔ, ɓaɓêki ndɔ ɓáombeba Mokonga ka phɔani.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.