Matáyɔ 9:2 - Ɔngana á Kɛ̌kɛ

² Ɓakpa ɓáombikia na nɗɔti n'aɗe k'éka. Ɓî Yéso aɔni ye ɓeekea á ɓakpa ndɔ, áongoɗea nkpa ndɔ gea: «Mukuamɔ, koɓangɛ mɔnɔ, ɓojeɗe nɛkɔ aímiki.»

Matáyɔ 9:2 Iomraidhean Croise

Matáyɔ 14:27

Kɛ̌kɛndɔ, Yéso â gǎkɛ ǒngoɗea te: «Bisani měma anu! Eme aámbɔ, ɓókoɓángɛmbɛ!»

Matáyɔ 4:24

Ɓoombia akɛ áɔɔ́kɛkana ka nji á Sulía bui. Ɓáombikia Yéso na ɓato á esambɔ ɗanga-ɗanga, na ɓunde ɓáotambanga na kukuwa ɗanga-ɗanga: kukuwa á ɓansombo, kukuwa á egǎ, na ɓaɗɔti. Yéso áǒamisa ɓɔbu.

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Matáyɔ 8:10

Ɓî Yéso aɔ́ki nyɔngɔ ndɔ, áoyayama na áǒngoɗea ɓunde ɗáɓátúomɓea: «Nenóngoɗi ɗoni gea, kɛ́mɔnimbɛ mɔnɔ nkpa sɔsɔɓɛ á Ɓaisilaɛ́li n'ana ɓeekea ángbó ɓea nnde á mmbee.»

Matáyɔ 8:16

Ɔgɔgɔ, ɓáombikia Yéso na ɓato á kukuwa á ɓansombo ɓásii. Yéso â tɔ ǒphumba ɓansombo ndɔ na yɔnga, â phɔtɔ ǒamisa ɓasambi ɓɔbu.

Matáyɔ 9:22

Yéso áǒpháia mbusa, áɔmɔna, áongoɗea te: «Nseka nɛmɔ, bisa měma akɔ, ɓeekea nɛkɔ akoamisi.» Ka mbenɔ ndɔ tɔ, nke ndɔ áoama.

Matáyɔ 9:5

Kema sina nde aáphǒ ka yɔnga te: ‹Ɓojeɗe nɛkɔ aímiki›, na yɔnga: ‹Ma! Ótambɛ!›?

Matáyɔ 9:6

Ka gea ɓóúbɛ te, eme Muna-Nkpa, nena kɔkɔta á ima á ɓojeɗe ka mokonda ndee.» Mpɔ áongoɗea nkpa ndɔ te: «Ma, ɔ́bɛɗɛ eka nɛkɔ, ójɛ mɔtɛ-akɔ.»

Málikɔ 1:32

Cɔ, ajú ye ɔgɔgɔ, ka gǎ á maní, ɓáombikia na ɓasambi ɓɔbu na ɓato á kukuwa á ɓansombo.

Málikɔ 10:49

Yéso áomama, áogea: «Mɔphanani.» Ɓáɔmɔphana keíme-íme, ɓáongea: «Cɔ, bisa měma akɔ, ómesia, aɔkɔɔphana!»

Málikɔ 5:34

Mpɔ, Yéso áongoɗea te: «Nseka nɛmɔ, ɓeekea nɛkɔ akoamisi. Cɔ, gǎ ka ɓujɛjɛ, oami ka kukuwa ndɔɔ.»

Málikɔ 6:50

nga, ɓɔbu ɗáɓámɔni, ɓáoɓá na kɔɓɔɓɔkɔ phɛɛ. Kɛ̌kɛndɔ tɔ, Yéso áɔyɔnga na ɓɔ áǒgea te: «Bisani měma anu! Eme aámbɔ, ɓókoɓangɛmbɛ!»

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Yoáni 2:25

Nga, ɗákátú na siki á nkpa ka tɔ̌miaga akɛ nyɔngɔ ndea ɓakpa, ɓî yɛ sasakɛ ɗáúbi ye měma aɓɔ.

Yoáni 21:5

Mpɔ Yéso, áǒngoɗea gea: «Ɓaniki nde ca! Ɓona kema á koea?» Ɓáonsikisia: «Ɓɛɛndɔ.»

Ekuma á ɓateki 14:9

Cɔ, áɔmɔ́ka Pɔ́lɔ n'aɔyɔnga. Wa, Pɔ́lɔ áontúmia nɗɔti n'íso, áoúba gea, ana ɓeekea nde aɔtɔka amisa akɛ.

Ekuma á ɓateki 19:12

Ɓakpa ɓâ phɔtɔ ɔbɛɗa bɔngɔ nde ɗábǒú nyama akɛ ně, ɓáoga ně ka ɓasambi, ɓáoama, ɓansombo ɓâ gǎkɛ otóka.

Ekuma á ɓateki 23:11

Kǐpha ndɔ, Mɔkɔta áonkiɗianea, áongea te: «Pɔ́lɔ, bisa měma akɔ! A tɔ ɓíndɔ oɗigimisi nyɔngɔ nɛmɔ ka Yɛusalɛ́ma, aunge akeni phɔtɔ óɗigimisɛ ú ka Lɔ́ma.»

Ɓalɔ́ma 5:11

Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.