Matáyɔ 9:16 - Ɔngana á Kɛ̌kɛ

¹⁶ Nna na nkpa nde aɔtɔka phopha bɔngɔ á kɛ̌kɛ na phaeka á bɔngɔ á kala nga, aoɓá n'agi ɓó, nnde á kɛ̌kɛ anyɔande nnde á kala. Nyɔɔka kau áɔɓá ángbó.

Matáyɔ 9:16 Iomraidhean Croise

Matáyɔ 9:15

Yéso áǒsikisia te: «Ɓato-ɛ́kɛka ɓáikimbɛ mɔnɔ na ngomi na mǒko-ɛ́kɛka a kimoci na ɓɔ? Ɓɛɛndɔ! Ɓáikande kángá á eaga ka nyɔngɔ á mɛma á Mokonga mbenɔ nde ɓámphúiande mǒko-ɛ́kɛka ka ɔlɔ aɓɔ.

Matáyɔ 9:17

Goto, ɓánáoɗukia divai á kɛ̌kɛ suɓi á mboso á kala nde ɓáɓɔngisigi na mpoko á nyama, mmbe abomokande, divai áoɗuukana. Akeni ndiu ɗukia divai á kɛ̌kɛ suɓi á mboso á kɛ̌kɛ. Kaɓondɔ, ɓáambande divai na mboso ánjá.»

Málikɔ 2:21

«Nna na nkpa nde aophopha phaeka á bɔngɔ á kɛ̌kɛ gǔ á bɔngɔ á kala. Aogea ɓó, phaeka á bɔngɔ á kɛ̌kɛ nnde ɓáyami abomande nnde á kala, bomoka í áondanda phɛɛ.

Lóka 5:36

Yéso â phɔtɔ ǒngoɗea mɛní ndee: «Nna na nkpa nde aɔnyɔa phaeka á bɔngɔ á kɛ̌kɛ ka jukanisa í na bɔngɔ á kala. Aogea ɓó, áotúkatúka nndɔ á kɛ̌kɛ. Nndɔ á kala kágamanɛku na phaeka índɔ á kɛ̌kɛ.

Yoáni 16:12

Ne goto na nyɔngɔ ásii ka ngoɗea anu. Ɓókó gǎkɛ ɔtɔka na ɓophiphî kɛ̌kɛnde.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.