Matáyɔ 8:9 - Ɔngana á Kɛ̌kɛ

⁹ Nga eme, nena ɓakɔta íɓundɔ ɓá gǔ ani, ne phɔtɔ na ɓato émani nde ɓá kusi á kɔkɔta nɛmɔ. Neongoɗea ka ɓɔ: ‹Gǎ!› Áoga. Neongoɗea ka ɓɔ: ‹Bika!› Áobika. Neongoɗea mbɛɗanigi nɛmɔ: ‹Gea ɓe!› Áogea ɓó.»

Matáyɔ 8:9 Iomraidhean Croise

Matáyɔ 8:10

Ɓî Yéso aɔ́ki nyɔngɔ ndɔ, áoyayama na áǒngoɗea ɓunde ɗáɓátúomɓea: «Nenóngoɗi ɗoni gea, kɛ́mɔnimbɛ mɔnɔ nkpa sɔsɔɓɛ á Ɓaisilaɛ́li n'ana ɓeekea ángbó ɓea nnde á mmbee.»

Matáyɔ 8:8

Mɔkɔta á ɓato émani ndɔ áonsikisia: «Mɔkɔta, kékeni óngiɛ k'éndu nɛmɔ. Yɔnga gǎkɛ tɔ nyɔngɔ moci, na mbɛɗanigi nɛmɔ aamande.

Málikɔ 1:27

Ɓakpa ɓɔbu ɓáoyayama, na ka ɓî ɗáɓáoúsianaga: «Eke nde? Goisaga nde akiɗi kɛ̌kɛ ana ɓukpɛkpɛ. Mogáa nde áǒsosea ɓansombo, ɓɔ ɓáɔmɔ́ka.»

Lóka 4:39

Cɔ, Yéso áɔgɔtɔma gǔ akɛ, áokeea jónga, jónga ndɔ áosia. Kɛ̌kɛndɔ, nke ndɔ áoama, áoúnanaga ka ɓɔ.

Lóka 7:8

Eme, ne phɔtɔ nkpa nde nɛiki kusi á kɔkɔta á ɓaamɛ nɛmɔ. Ne phɔtɔ na ɓato émani kusi á kɔkɔta nɛmɔ. Neongoɗea moci: ‹Gǎ!› Áoga. Neongoɗea dakɛ: ‹Bika!› Áobika. Nê phɔtɔ ongoɗea mbɛɗanigi: ‹Gea ɓe!› Áogea ɓó.»

Lóka 9:1

Mbusa, Yéso áǒdondanisa ɓateki nkama na ɓaɓɛ (12), áǒɓopha kɔkɔta na ɓukpɛkpɛ á ɓeaga á ɓansombo ɓɔbu na amisa á ɓasambi.

Ɓakɔlɔsái 3:22

Ɓenu ɓakɔɓɛ, ɔ́ɓɔ́kani ɓakɔta nɛnu á ka mokonda ka kema bui. Ɓókoɓɛmbɛ tɔ kɔ̌bɛɗaneaga ámbé ɓánoɓóndigi ka nyɔngɔ á ékondisaga na ɓɔ. Geani ndiu na měma mo, ka nyɔngɔ nde, ɓoomɓánga Mɔkɔta.

Títɔ 2:9

Ambe ɓakɔɓɛ ɓɛ́ɓɔ́kɛ ɓakɔta nɛɓɔ ka kema bui. Ɓékondisɛgɛ na ɓakɔta nɛɓɔ kángá á pua na ɓɔ na