Matáyɔ 8:5 - Ɔngana á Kɛ̌kɛ

⁵ Ɓî Yéso ɗáongia ka Kapɛɛnaúmu, mɔkɔta á ɓato émani á Ɓalɔ́ma áobika bíbí akɛ, áonɗengemisaga,

Matáyɔ 8:5 Iomraidhean Croise

Matáyɔ 11:23

«Cɔ, ɓenu ɓato á ka Kapɛɛnaúmu, ɓooúba te, ɓotáiande na koba? Ɓánodidisande sua nji á ɓasí. Nga, ɗátú oɓá ketangaɔ ndɔ ɗágeani mɔtɛ-anu, ɗátú ogeana ka Sɔdɔ́ma, ámbé nji ndɔ ɗátú phɔ́ tɔ ɓei na ka kesande.

Matáyɔ 27:54

Moamɛ á ɓato émani na ɓundɔ ɗáɓátú na yɛ ka amba á Yéso, ɓî ɓáɔni ɓaningina na kema bubui nde ɗágeani, ɓáoɓá na kɔɓɔɓɔkɔ phɛɛ, ɓáogea: «Ɗoni nkpa nde ɗátú Muna-Mokonga ɗoni!»

Matáyɔ 4:13

Áotóka ka ntanga-nji á Najalɛ́ti, áoga oika ka ntanga-nji á Kapɛɛnaúmu, ka motii á etǔ Galiláya ka nji á Jebulúni na Naphutáli.

Matáyɔ 9:1

Yéso áokambea ka koko. Áojaba etǔ, áojúa ka ntanga-nji nɛkɛ.

Málikɔ 15:39

Cɔ, Mɔlɔ́ma moci, mɔkɔta á ɓato émani á Ɓalɔ́ma, ɗátú mosá á Yéso. Ɓî aɔni ye ɗɔɛa akɛ, áogea: «Ɗoni, nkpa nde ɗátú Muna-Mokonga.»

Málikɔ 2:1

Mbusa á ɓ'esa ábɔa, Yéso áosikianaga na Kapɛɛnaúmu. Ɓakpa ɓáɔɔ́ka te a mɔtɛ-aɓɔ.

Ekuma á ɓateki 22:25

Cɔ, ɓî ɗáɓáomɓóaga na ngoi, Pɔ́lɔ â gǎkɛ ongoɗea mɔkɔta á ɓato émani mmbɔ ɗátú wa gea: «Aoɓá nkpa n'ande Mɔlɔ́ma, ona kɔkɔta á ɓinda akɛ na ɓákátenimbɛ nyɔngɔ nɛkɛ?»

Ekuma á ɓateki 23:17

Mpɔ, Pɔ́lɔ áɔmɔphana mɔkɔta á ɓato émani moci, áongea te: «Ngǎ na moganda nde mɔtɛ á mɔkɔta nɛnu nga, ana nyɔngɔ á ngoɗea akɛ.»

Ekuma á ɓateki 23:23

Mpɔ, mɔkɔta á ɓato émani áɔ̌ɔphana ɓakɔta á ɓato émani ɓaɓɛ, áǒngoɗea gea: «Ódondanisani ɓato émani mia iɓɛ (200) na ɓunde ɓákambeande gǔ á ɓanyama nkama ngianjaga iɓɛ (70), na ɓato á ekonga mia iɓɛ (200). Ɔ́ɓɔngisiagani nga, ɓo ka tamba ka gǎ na Kaisalía. Ɓɔmɛande ka mbenɔ á ko isaɔ á kǐpha.

Ekuma á ɓateki 27:13

Cɔ, ɓî maphopho ɗáosinda ka toka á kusi, ɓáokanisia te, moangɔ nɛɓɔ atɔtɔkɛanande. Kaɓondɔ, ɓáophúia etae á kigisa á koko, ɓáokpangbaga ka mpɛphɛ á Kɛɛ́tɛ.

Ekuma á ɓateki 27:31

Pɔ́lɔ â gǎkɛ ongoɗea mɔkɔta á ɓato émani na ɓato émani te: «Aoɓá ɓagáa nde na ɓákáiki suɓi á koko, ɓókóamɛku.»

Ekuma á ɓateki 27:43

Ɓî mɔkɔta á ɓato émani ndea Ɓalɔ́ma ɗákondi ndiu amisa á Pɔ́lɔ, ka ɓondɔ, áoimisia moangɔ nɛɓɔ. Mbusa, áǒsosea ɓundɔ ɓáoúba ɔgá gea, ɓáguiɛ phɔ́ ka iɓo, ɓájabɛ.

Ekuma á ɓateki 9:38

Ɓagoigi á ka Yɔ́pa ɗáɓáɔ́ki gǎkɛ gea, Pɛ́tɛɛ a ka Lúda, bíbí na Yɔpa. Kaɓondɔ, ɓáǒteka ɓakpa ɓaɓɛ na mbino gea: «Kamisaga ɓika mɔtɛ-asu.»