Matáyɔ 8:4 - Ɔngana á Kɛ̌kɛ

⁴ Mpɔ, Yéso áongoɗea: «Ɔ́ka phɔ́, kɔ́ntɔ̌miɛ mɔnɔ nkpa nyɔngɔ ndɔ. Gǎ ndiu óphangisiɛ sasakɔ ka ntoɓeigi-phɛ́a, óphúiɛ phɛ́a ka Mokonga ɓíndɔ Mósa ɗásosi ka gea, ɓakpa ɓɔbu ɓáengekisɛ gea oami.»

Matáyɔ 8:4 Iomraidhean Croise

Matáyɔ 10:18

Ɓánojúsande mosá á ɓakɔta na ɓaamɛ ka nyɔngɔ ani, ka gea ɓɔ́tɔ̌miɛgɛ nyɔngɔ ani mosá aɓɔ na mosá á ɓundɔ ɓáná Ɓayúda.

Matáyɔ 16:20

Mpɔ áǒimisia ɓagoigi nɛkɛ akpɛ gea, ɓákangoɗeɛmbɛ mɔnɔ nkpa gea te, ande Kiísito.

Matáyɔ 17:9

Ka dida aɓɔ mamba, Yéso áǒsosea te: «Ɓókontɔ̌miɛ mɔnɔ nkpa nyɔngɔ á mphaniɔ nde, na ka ɓî Muna-Nkpa ajujukande ka kukuwa.»

Matáyɔ 3:15

Yéso áonsikisia te: «Ɓeekea phɔ́ tɔtɔkisa nndɔ kɛ̌kɛnde nga, akeni ɓégeɛ ɓó, ka tɔtɔkisa á kema nde Mokonga akondi. Mpɔ, Yoáni áoɓeekea ɓatisa akɛ.»

Matáyɔ 5:17

Ɓókokanisiɛmbɛ gea nebiki ɔngbɔa ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga. Kébiki k'aphe á ngbɔa í. Nebiki ndiu k'aphe á kpeengeanisa í.

Matáyɔ 6:1

Ɛ́ngɛphani! Ɓókogeɛ mɔnɔ kema ánjá mosá á ɓakpa ka gea, ɓɔ́ɔnɛkanɛ. Ámbé Abanu mmbɔ á na koba kánophendɛku.

Matáyɔ 9:30

Mpɔ iso áǒkoɗokana. Yéso áɔ̌kɔkɔmɛa na nyɔngɔ gea: «Ɓókongoɗeɛ mɔnɔ nkpa.»

Málikɔ 13:9

Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Málikɔ 3:12

Yéso â gǎkɛ ǒimisia akpɛ gea, ɓákaúbisɛmbɛ gea, ande Muna-Mokonga.

Málikɔ 5:43

Mpɔ, Yéso áǒimisia akpɛ gea, ɓákangoɗeɛ mɔnɔ nkpa. Â goto ǒsosea gea, ɓámophɛ miki ndɔ eea.

Málikɔ 6:11

A gǎkɛ oɓá na ɓákánosesi ka nji moci na ɓákáɔnɔ́ɔ́ka, tókani ɓei, ciciagani mpusu á oɗo bui nde a k'écinji anu ka ubisa aɓɔ gea te nyɔngɔ ěguiaeka.»

Málikɔ 7:36

Yéso â gǎkɛ ǒngoɗea te, ɓákantɔ̌miɛ mɔnɔ nkpa. Cɔ, nanga ɓî aengoɗi gea, ɓákantɔ̌miɛmbɛ nkpa, ɓâ ndiu oga na ɓáɔ̌tɔmia ɓakpa phɛɛ.

Málikɔ 8:30

Mpɔ Yéso áǒimisia akpɛ gea te, ɓákantɔmiɛmbɛ ka ɓakpa mbino akɛ.

Málikɔ 9:9

Na ɓá phɔ́tɔ odida mamba, Yéso áɔ̌phɛa ɓagoigi gea, ɓákántɔ̌miɛ mɔnɔ nkpa kema ndɔ ɓáɔni na ka ɓî yɛ Muna-Nkpa ajujukande ka kukuwa.

Lóka 17:14

Yéso ɛ̌ɓɔni ye, áǒngoɗea: «Gǎni, ɓógoéphangisiɛ mɔtɛ á ɓatoɓeigi-phɛ́a.» Ɓáoga. Na ɓá phɔ́tɔ k'aphe, sǔ nɛɓɔ áotóka.

Lóka 21:13

K'aphe ndɔ ungɔ ɓɔ̌tɔmiande nyɔngɔ nɛmɔ.

Lóka 4:41

Ɓansombo ɓâ phɔtɔ ojuana ɓásii na ɓáokoga: «Onde Muna-Mokonga!» Yɛ, â ndiu ǒkeea, áǒdakanisa, ka nyɔngɔ nde, ɗáɓáúbi gea, Yéso ande Kiísito.

Lóka 5:14

Mpɔ, Yéso áongoɗea te: «Kɔntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a na opha akɛ ɔphɛ́ɔ ɓíndɔ Mósa asosi ka nyɔngɔ á sokosea nto á sǔ. Nndɔ áɓɛ mphangiɔ ka ɓɔ gea oami.»

Lóka 8:56

Wa, ɓaɓɔkɔti akɛ ɓáotangaaga phɛɛ. Aunge Yéso aengoɗi te, ɓákántɔmiɛmbɛ nkpa nyɔngɔ nde ɗányɛ́nyi.

Lóka 9:21

Mpɔ, Yéso áǒimisia akpɛ gea, ɓákangoɗeɛ mɔnɔ ka nkpa nyɔngɔ ndɔɔ.

Yoáni 5:41

Kéokaɓa ɓoombia ka ɓakpa.

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Yoáni 8:50

Kéokaɓa ɓoombia nɛmɔ. A ndiu na nkpa moci mmbé aomokaɓea ú, na tenea ani nyɔngɔ.