Matáyɔ 8:11 - Ɔngana á Kɛ̌kɛ

¹¹ «Nenóngoɗi base gea: Ɓakpa ɓásii ɓábikande ka toka n'Okomo, n'Oyonga, ɓáeagande kimoci na Abalaámu, Isáka na Yakɔ́ɓɔ ka koɓoamɛ á na koba.

Matáyɔ 8:11 Iomraidhean Croise

Matáyɔ 21:41

Ɓáonsikisia te: «Aemande ɓakpa ɓájeɗe ndɔ kángá á ngomi. Mbusa, áɔɔ́kana goto na ɓagubi ɓuangbo ɓunde ɓáɓande omopha keɓu á ɗungu nɛkɛ ka mbenɔ nde akondi.»

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 8:10

Ɓî Yéso aɔ́ki nyɔngɔ ndɔ, áoyayama na áǒngoɗea ɓunde ɗáɓátúomɓea: «Nenóngoɗi ɗoni gea, kɛ́mɔnimbɛ mɔnɔ nkpa sɔsɔɓɛ á Ɓaisilaɛ́li n'ana ɓeekea ángbó ɓea nnde á mmbee.»

Lóka 12:37

Aɓande maseye ka ɓabɛɗanigi ɓunde mɔkɔta nɛɓɔ ědondande na ɓákáɗé. Nenóngoɗi ɗoni gea, mɔkɔta nɛɓɔ aɔ́lande bɔngɔ á ekuma, áǒikisa ɓabɛɗanigi ka mɛja, áɔ̌bɛɗaneaga!

Lóka 16:22

Esa ímoci, nto á ɓuyɛnɛ ndɔ ɗáku. Ɓamalaéka ɓáombisa ka kɛbɛ á Abalaámu. Ntɔi ndɔ â phɔtɔ okuwa, ɓáomúmba.

Ekuma á ɓateki 10:45

Ɓaɓêki ɓunde ɓánde Ɓayúda ɓundɔ ɗáɓábiki na Pɛ́tɛɛ, ɓáotangaaga ka ɓî Měma á kanga ɓojeɗe nnde Mokonga ɗátekisi, ɗáɛmbi phɔtɔ ka ɓakpa nde ɓáná Ɓayúda.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

1 Ɓakɔlítɔ 15:20

Ande gǎkɛ ɗoni gea, Kiísito ajujúki ka kukuwa. Yɛ, ande ánge á ɓajujuki ka kukuwa.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

2 Ɓatɛsalɔníka 1:5

Tambaga ndɔ aoúbisa base gea, Mokonga ande nteni-nyɔngɔ kángá oɓayɔ. Nga, ka nyɔngɔ á phiphia anu tambaga ndɔ unge ɓokeni na ngia ka koɓoamɛ nɛkɛ nnde ɓootambaga ka nyɔngɔ í.

Mphaniɔ 7:6

Ka ketoto ndea Asɛ́i, ɓunde ɗáɓɛ̌ɓɛti ně, ɗáɓátú ɓakpa ɛlɛphu nkama na ɓaɓɛ (12.000). Ka ketoto ndea Naphutáli, ɓunde ɗáɓɛ̌ɓɛti ně, ɗáɓátú ɓakpa ɛlɛphu nkama na ɓaɓɛ (12.000). Ka ketoto ndea Manásɛ, ɓunde ɗáɓɛ̌ɓɛti ně, ɗáɓátú ɓakpa ɛlɛphu nkama na ɓaɓɛ (12.000).