Matáyɔ 8:10 - Ɔngana á Kɛ̌kɛ

¹⁰ Ɓî Yéso aɔ́ki nyɔngɔ ndɔ, áoyayama na áǒngoɗea ɓunde ɗáɓátúomɓea: «Nenóngoɗi ɗoni gea, kɛ́mɔnimbɛ mɔnɔ nkpa sɔsɔɓɛ á Ɓaisilaɛ́li n'ana ɓeekea ángbó ɓea nnde á mmbee.»

Matáyɔ 8:10 Iomraidhean Croise

Matáyɔ 15:28

Mpɔ Yéso áonsikisia nke ndɔ gea: «Hoo, ɓeekea nɛkɔ aángbó phɛɛ! Kema nde okondi, átɔtɔkɛanɛ.» Kɛ̌kɛndɔ tɔ, nseka nɛkɛ áoama.

Matáyɔ 8:11

«Nenóngoɗi base gea: Ɓakpa ɓásii ɓábikande ka toka n'Okomo, n'Oyonga, ɓáeagande kimoci na Abalaámu, Isáka na Yakɔ́ɓɔ ka koɓoamɛ á na koba.

Matáyɔ 8:9

Nga eme, nena ɓakɔta íɓundɔ ɓá gǔ ani, ne phɔtɔ na ɓato émani nde ɓá kusi á kɔkɔta nɛmɔ. Neongoɗea ka ɓɔ: ‹Gǎ!› Áoga. Neongoɗea ka ɓɔ: ‹Bika!› Áobika. Neongoɗea mbɛɗanigi nɛmɔ: ‹Gea ɓe!› Áogea ɓó.»

Málikɔ 6:6

 phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Lóka 5:20

Aɔni ye ɓeekea nɛɓɔ, Yéso áongea nɗɔti te: «Moko, ɓojeɗe nɛkɔ aímiki.»

Lóka 7:50

Yéso â ye tɔ ongoɗea nke ndɔ: «Gǎ ka ɓujɛjɛ. Ɓeekea nɛkɔ akoamisi.»

Lóka 7:9

Ɓî Yéso aɔ́ki ye ɓó, áontangaaga. Áǒpháia, áǒgea ɓakpa ɓásii ɓundɔ ɗáɓáomɓea: «Nenógie, kɛɔnimbɛ mɔnɔ ɓeekea ángbó ɓínde á nkpa nde ka Ɓaisilaɛ́li.»

Ekuma á ɓateki 2:7

Ɓáotangaaga, ɓáoyayama. Ɓáogea: «Ɓakpa nde ɓáɔyɔnga, ɓɔbu ɓáká phɔ́ ɓato á ka Galiláya?