Matáyɔ 7:21 - Ɔngana á Kɛ̌kɛ

²¹ Nna ɓakpa ɓɔbu ɓunde ɓáɔmɔɔphana ‹Mɔkɔta! Mɔkɔta!› ɓáunge ɓángiande ka koɓoamɛ ndea na koba. A tɔndɔ gǎkɛ ɓunde ɓáɔtɔtɔkisa mɔphɛ ndea Abɛ, mmbé á na koba.

Matáyɔ 7:21 Iomraidhean Croise

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 16:17

Yéso áongoɗea: «Maseye k'oɓɛ Simɔ́ Muna-Yɔ́na ka nyɔngɔ nde, nna nkpa aámbé akophangi nyɔngɔ nde base, a ndiu tɔ Abɛ mmbé á na koba.

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 18:19

Nenóngoɗi goto ɗoni gea, aoɓá ɓakpa ɓaɓɛ sɔsɔɓɛ anu ka mokonda nde na ɓáɔ́kani ka mɛma á Mokonga nanga kema sina, Abɛ mmbɔ á na koba aeɓophande kema nde ɓámɛmi.

Matáyɔ 18:3

na yɔnga te: «Nenóngoɗi ɗoni gea, aoɓá n'oɓókókěti tambea anu ájeɗe, ɓôɓá ɓea ɓaniki ɓábɔbɔa, ɓókóngiɛku ka koɓoamɛ á na koba.

Matáyɔ 18:35

Yéso áotutuisa yɔnga ɓe: «Abɛ mmbɔ á na koba ageaeka tɔ ɓó, ka nkpa nde nnaokonda íma á ɓojeɗe ndea dakɛ ka měma akɛ bui.»

Matáyɔ 19:24

Nenóngoɗi goto gea, aáphǒ ka ngamia ngia suɓi á kubu á mǔphe, a ndiu gǎkɛ akpɛ phɛɛ ka ntɔi ngia ka koɓoamɛ ndea Mokonga.»

Matáyɔ 25:10

Ai ye ɓî ɓabóbó ɗáɓáoga k'aphe á somba gamba, mǒko éyamani â gǎkɛ okiɗia. Ɓundɔ ɓɔku ɗáɓáɛɓɔngisigi, ɓáongia na mǒko éyamani k'éndu ɛ́kɛka, ɓáophembeketea kǐo.

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Matáyɔ 26:39

Áɔsɛkɛɗa mosá ábɔa, áɔgɔtɔma, endóndó akɛ áogbondoa oɗo, áɔmɛma ɓe: «Abɛ, aoɓá n'atɔtɔkɛani, gesa kani ɗanga kiɓe ndee. Kaɓɛmbɛ ka mɔphɛ ani, áɓɛ ndiu ɓíndɔ okondi.»

Matáyɔ 26:42

 goto osɛkɛɗa mosá ábɔa ka mɔngɔ á ko iɓɛ, áɔmɛma ɓe: «Abɛ, aoɓá kiɓe nde na nnaɔtɔka n'anyɛ́nyi, kángá eme noa í, ambe mɔphɛ nɛkɔ átɔtɔkɛanɛ!»

Málikɔ 3:35

Nga, nkpa nde aotambea ɓíndɔ Mokonga akondi, mmbɔ aámbé ande muna-ayi, áwáni na ayi.»

Málikɔ 9:47

A phɔtɔ oɓá, n'ande iso akɔ moci, aunge aokogusa, phongota ú, ómakɛ ɗanga. Nga, aánjá k'óɓɛ ngia ka koɓoamɛ ndea Mokonga n'íso moci, kɔnyɛ́nya ɓá n'íso iɓɛ, ɓáokomaka ně ka Gɛɛ́na,

Lóka 11:28

Yéso â gǎkɛ ǒsikisia gea: «Maseye a ndiu ka ɓundɔ ɓáɔɔ́ka nyɔngɔ á Mokonga na tɔtɔkisa í.»

Lóka 13:25

Mbenɔ nde mɛna-endu aǒmesia, áophembeketea kǐo; ɓoɓande na nsɛngɛ. Kó, ɓokpangande gbondoaga kǐo na ɓoogea: ‹Mɔkɔta, ósoúkuia.› Anóngoɗeande: ‹Kéonoúba!›

Lóka 18:25

Eya, nna akpɛ ka ngamia ngia ka kubu á mǔphe, a ndiu akpɛ phɛɛ ka ntɔi ngia ka koɓoamɛ ndea Mokonga.»

Lóka 6:46

Eke nde ɓɔɔmɔɔphanea: ‹Mɔkɔta, Mɔkɔta!› Na ɓókóogea kema nde nenóngoɗi?

Yoáni 14:7

Atúoɓá na ɓomoúbi, ámbé ɓotómúbi phɔtɔ Abɛ ɓó. Kɛ̌kɛnde gǎkɛ, ɓo ye múbi yɛ, na ɔna akɛ.»

Yoáni 15:23

Nkpa nde amokangei, ankangei phɔtɔ Abɛ.

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 5:17

Yéso â gǎkɛ ǒsikisia te: «Abɛ aɔbɛɗanaga esa bui, n'eme ne phɔtɔ ɔbɛɗanaga.»

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 2:13

Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓaɛphɛ́sɔ 6:6

Ɓókóɓɛmbɛ tɔ ɔbɛɗanaga ámbé ɓánómamei ka ékondisaga na ɓɔ. Tɔtɔkisani ndiu mɔphɛ á Mokonga na měma mo, ɓea ɓakɔɓɛ á Kiísito.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 4:3

Nga, Mokonga akondi gea, ɓóɓɛ ɓakpa ɓ'ánjá phɛɛ, ɓóɓangɛ iɛɓɛ,

1 Ɓatɛsalɔníka 5:18

nségani ka nyɔngɔ nɛnu bui. Nga, nyɔngɔ ndɔ ande mɔphɛ á Mokonga ka ɓenu ɓunde ɓɔɔngani na Yéso Kiísito.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 4:6

Ɓî ɓakpa nde ɗáɓáɔ́ki nyɔngɔ ánjá k'ama mosá-mosá ɗáɓákángi ka nyɔngɔ á kanga ɓeekea nɛɓɔ. Cɔ, ka ɓondɔ, ɓakpa ɓunɛngbo ɓá ye tɔ n'aphe á ngia ka muúmbiɔ ndɔɔ.

Yakɔ́ɓɔ 1:22

Ɓókoikiɛmbɛ tɔ ɔ́ka á nyɔngɔ ndea Mokonga, tɔtɔkisani ndiu ú ka gea, ɓókǒdemɛmbɛ sasanu.

1 Pɛ́tɛɛ 2:15

Ɓondɔ unge Mokonga akondi gea, ɓógeɛ ɓonjánja, ka gea te, ɓabóbó na ɓato á jǎi-jǎi ɓáphɔngɛ.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

Mphaniɔ 2:27

Nkpa ndɔ abɛɗanagande na kɔkɔta ndɔ na ɓukpɛkpɛ phɛɛ, ɓíndɔ ɓáobomaga mbeka-toko.

Mphaniɔ 22:14

Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.

Mphaniɔ 3:5

Mmbé akíndande, ɓámɔ́lisande bɔngɔ-ábu. Kéímɛku tanda ina akɛ ka ɓuku á enda. Neɓeekeande mosá á Abɛ na ɓamalaéka ndea Mokonga nɛkɛ gea, ande nkpa nɛmɔ.