Matáyɔ 7:2 - Ɔngana á Kɛ̌kɛ

² Nga ɓíndɔ ɓootena nyɔngɔ ndea ɓakpa ɓuangbo, a tɔ unge Mokonga atenande nyɔngɔ ínɛnu. Mokonga akogeande phɔtɔ ɓíndɔ oógea ɓakpa ɓunɛngbo.

Matáyɔ 7:2 Iomraidhean Croise

Matáyɔ 6:14

Nga, aoɓá n'oími ɓojeɗe nde ɓakpa ɓákogǐí, Abakɔ ímbɔ ana koba, aímande phɔtɔ ɓojeɗe nɛkɔ.

Málikɔ 4:24

Mpɔ, Yéso áǒgea te: «Óengani na nyɔngɔ nde ɓɔɔɔ́ka. Moangɔ nde ɓɔɔbɛɗa ka tena á nyɔngɔ á ɓakpa ɓunɛngbo aunge Mokonga abɛɗande ka tena á nyɔngɔ ínɛnu. Ayameande phɔtɔ.

Lóka 6:38

Ógabeani ɓakpa, ɓánógabeande, ɓáotúmisa njombi nɛnu púu! Ɓáophikiɗia, áoɗuukanaga. Cǎ nde ǒgabea ɓakpa ně, a tɔ unge Mokonga aogabeande ně.»

2 Ɓakɔlítɔ 9:6

Cɔ, kanisiani phɔ́ mɛní ndee: «Ookona ábɔa, ô ɗungua ábɔa. O gǎkɛ okona ásii, ô ɗungua ásii.»

Yakɔ́ɓɔ 2:13

Kaɓɔndɔ, ɓátenande nyɔngɔ á ɓunde ɓáná na ngomi á ɓadaɓɔ kángá á ngomi. Nkui-ɓakpa ngomi káɓɛku gǎkɛ na kɔɓɔɓɔkɔ ka tena á nyɔngɔ.

Mphaniɔ 18:6

Ngeani tɔ sumɓî ɗáegi ɓakpa ɓunɛngbo. Mphendani mɔngɔ iɓɛ k'índe ɗági. Káisani makana á ka cǎ nɛkɛ mɔngɔ iɓɛ kɔnyɛ́nya nndɔ ɗáǒnusa ɓakpa.