Matáyɔ 7:13 - Ɔngana á Kɛ̌kɛ

¹³ Gǎni ɓóngiɛ ka kǐo nde akɔtɔkani. Nga, kǐo ágbae aunge ande aphe nde aoɓúngisaga. Ɓakpa ɓásii ɓáunge ɓáongia k'aphe ndɔɔ.

Matáyɔ 7:13 Iomraidhean Croise

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 3:8

Tɔtɔkisani pɛ ekuma ánjá ka úbisa gea ɓosagi ɓojeɗe nɛnu.

Matáyɔ 7:14

Kǐo nde akɔtɔkani, ande aphe ábɔa nde agě ka enda á mɛyɔ, ɓakpa ɓábɔa ɓáunge ɓáɔɔna ú.

Lóka 14:33

Mpɔ Yéso â goto ɔyɔnga gea: «A phɔtɔ ɓó ka ɓenu. Aoɓá ka ɓenu na káɗeketi kema nɛkɛ bui, nkpa ndɔ nnaɔtɔka ɓá ngoigi nɛmɔ.

Lóka 9:33

Ɓî ɓǒko ɓaɓɛ ndɔ ɓákpangi ye ɗeketana na Yéso, Pɛ́tɛɛ áongoɗea: «Ngoisigi, aánjá ɓéikɛ wani. Cɔ, ɓɛ́phɛ̌kɛ ɛma isaɔ: Moci k'óɓɛ, moci ka Mósa, moci ka Elía.» Ande gea te, Pɛ́tɛɛ ɗákáengekisi nyɔngɔ nde ɗáɔyɔnga.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

Ɓalɔ́ma 9:22

Cɔ, Mokonga ɗákondi ɔnisa esúia na ɓukpɛkpɛ nɛkɛ. Ɗá gǎkɛ na měma á phiphia phɛɛ ka ɓakpa nde ɗákeni áɛ́ɓɛ̌ɛ na tena á nyɔngɔ nɛɓɔ akpɛ.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

2 Ɓakɔlítɔ 6:17

Kaɓondɔ unge Mɔkɔta agi: «Tókani ka ɔlɔ aɓɔ, ɓókatanɛ na ɓɔ. Ɓókodungɛ mɔnɔ ka ɓosoɛ, mpɔ, eme nenóseseande.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.

Mphaniɔ 20:3

Malaéka ndea Mokonga ndɔ, áommaka suɓi á mininga, áophembeketea ú na ɓɛta á mutúti gǔ akɛ ka gea te, njɔka ndɔ kaetombɛgɛmbɛ ye ɓato á ka mokonda na ka ɓî ɓasaga ɛlɛphu moci (1.000) akpeengeanaeka. Mbusa índɔ, ɓánkoɗande ka mbenɔ ábɔa.